Geloofsbelydenis aangepas uit Efesiërs 4: 1-7

 

Geloofsbelydenis aangepas uit Efesiërs 4: 1-7

Liturg:

Ek druk julle dit op die hart: Laat julle lewenswandel in ooreenstemming wees met die roeping wat julle van God ontvang het. Wees altyd beskeie, vriendelik en geduldig, en verdra mekaar in liefde.

Gemeente:     

Daar is net één liggaam

en net één Gees.

Liturg:

soos daar net één hoop is waartoe God julle geroep het.

Gemeente      

Daar is net één Here, één geloof, één doop,

Liturg:

Daar is net één God en Vader van almal.

Gemeente:

Hy wat oor almal is, deur almal werk en in almal woon.

Liturg:

Aan elkeen van ons is ‘n genadegawe gegee volgens die mate waarin Christus die gawes uitgedeel het.

Gemeente:

Kom ons gebruik ons gawes om mekaar te dien in liefde.

Liturg:

Lê julle daarop toe om die eenheid wat die Gees tussen julle gesmee het, te handhaaf deur in vrede met mekaar te lewe.

Gemeente:

Amen