dinkjeug

Laerskool Kamp oor verskillende spiritualiteite

Mense ontdek God op verskillende maniere en dit is belangrik dat ons kinders bloot stel aan ‘n verskeidenheid van spiriritualiteitstyle. Wat is die 4 tipe spiritualiteite? In kort is daar mense wat hoofsaaklik groei deur kennis (kop spiritualiteit), ander ervaar God deur interaksie en emosie (hart spiritualiteit), ander ontmoet God deur iets diensbaar te doen (hand spiritualiteit) en ander ontdek weer God deur simboliek en nadenke (vlam spiritualiteit). Kinders is nog te jonk om te onderskei wat hulle voorkeur is. Hulle is ook te jonk om die teorie daarvan werklik te verstaan, dus is die praktyk belangriker as die teorie.  Spiritualiteite is ook nie ‘n verskoning om God net op een manier te aanbid nie – dikwels groei on sook wanneer ons buite ons gemaksone is.  Dit is dus belangriker dat jy hulle aan al 4 spiritualiteits tipes blootstel sodat hulle self kan ervaar hoe ‘n mens God op verskillende maniere kan aanbid. Terselfdetyd sal die volwasse leiers bewus raak van hulle eie voorkeure en kan hulle juis opnuut fokus om tyd vir al 4 te maak tydens ‘n kamp (of tydens kategese).

Laai HIER ‘n riglyn af van hoe só ‘n kamp saamgestel kan word. Dit is saamgestel deur ds Marietjie Steyn (van Bloubergstrand Gemeente)

Mylpaal bediening

Die huisgeloof gespreksgroep het op Vrydag 26 Januarie bietjie saamgesels oor mylpaal bediening. Die span het probeer om spesifieke mylpale in verskillende lewensfases te identifiseer vir families, wat hulle dan tuis ook kan vier. Die span het tot die slotsom gekom dat verkillende families het verskillende mylpale wat vir hulle belangrik is, bloot as gevolg van elke familie se unieke samestelling.

(more…)

Holistiese Familiebediening Deel 3 – ‘n holistiese benadering van sorg

’n Gemeente wat graag holisties na hulle families wil omsien, kan selde die hele spektrum van sorg dek. Gemeentes het gewoonlik reeds inisiatiewe, maar die behoeftes vir families is gewoonlik ook wyer as die gemeente se bediening. Die gemeente moet dus eerstens seker wees oor wat hulle aan families bied en dan bewus wees van die “gate” waar behoeftes is.

(more…)

Holistiese Familiebediening Deel 1 – Lidmaatbemagtiging is die sleutel

Die grense van “familie” bediening lê so wyd dat ‘n predikant of jeugwerker maklik verlam kan voel. Wanneer lidmate egter bemagtig word om leiding te neem bring dit nuwe moontlikhede en hoop. Die Here gee aan elke gemeente die nodige gawes om hul roeping uit te leef. Die kerk se taak is om lidmate te help om hul gawes en roeping te ontvang terwyl hul dien en dit verder uit te bou.

(more…)

Geloof, hoop en liefde by kerk, huis en wêreld

Hierdie artikel van Dieter de Bruin help ons om na te dink oor hoe geloofsvorming plaasvind en hoe dit die volle leefwêreld van gesinne behoort te integreer. Geloof word versterk deur doo pen die verkondiging van die word. Hoop word versterk deur gebed. Liefde word weer gevorm deur nagmaal en saam eet. Maar die 3 dinge is nie net beperk tot die ruimte van die erediens nie.

Kry die artikel Hier

ONTMOET ZOLANI

In my vorige gemeente, het ons regtig gesukkel om die jongmense, beide tieners en jong volwassenes, by die kerk betrokke te kry. Toe ons besluit het om ons vrese eenkant te stoot en eerder in waagmoed vorentoe te beweeg, het ons genadig heelwat jong volwassenes ryker geword. Ons het ons eredienste heelwat aangepas en begin om mense aktief na ons eredienste en byeenkomste te nooi. Ons het die eienaarskap van die spasie, ruimte en liturgie heeltemal oorgegee aan die jonger mense, en skielik het nie net die getalle toegeneem nie, maar ons het ook begin om oor kultuurgrense te beweeg.

(more…)