EREDIENS

Idees en hulpbronne vir Eredienste van kindermomente tot jeugdienste

Ritueel in die erediens

Tydens die SAAM! gesprek het Tinus van Zyl gedeel hoe hulle gemeente gebruik maak van ritueel om verskillende generasies by die erediens te betrek. Sy praktiese voorstelle vir sondebelydenis, doopliturgie, doopherinnering, nagmaal ens, kan hieronder af gelaai word.

Erediens en Musiek

Sommer ’n paar nota’s oor ‘Intergenerational ministry’ en
die rol wat dit in geloofsvorming speel – met spesifieke
fokus op die erediens en musiek

Meeste groter gemeentes het deesdae ’n verskeidenheid van eredienste.
Groepe word van mekaar geskei hetsy op grond van ouderdom of
spiritualiteitsvoorkeure.
Hoekom doen ons dit? Sommige meen dis a.g.v. die Verligting van die 18de
eeu toe meer klem begin lê is op die rede en onderrig. Aanbidding het toe
verander van ‘deelname aan geloof’ na ‘leer van geloof’.
Wanneer jy kinders vra waarom hulle kerk toe kom, wat is die standaard
antwoord? “Om meer van die Here te leer”. Ons het hulle dit mooi geleer,
nè.
Die verskil is tussen doksologie – om reg te aanbid – en dogmatiek – om reg
te glo. So, as ons glo dat aanbidding gaan oor reg glo – en kinders se
kognitiewe vermoëns is minder ontwikkeld as volwassenes s’n – dan maak dit
sin dat ons bedieningspraktyk sal wees om kinders eers te leer om reg te glo
– voordat hulle ons in aanbidding kan kom ‘join’.
Aanbidding gaan egter mos nie net oor reg glo nie…
’n Tweede moontlike rede – dalk ’n groter rede – is ons verbruikersmentaliteit.
Ons het ‘target marketing’ begin doen en ons glo dat deur ’n verskeidenheid
van bedieningsopsies te gee, bereik ons meer potensiële lidmate. Die vraag
is of ons nie juis in die proses meer en meer jong lidmate van ons vervreem
nie.
Die goeie nuus vir kleiner gemeentes is dat studies aantoon dat gemeentes
wat dit regkry om kinders en volwassenes saam in aanbidding te betrek,
klaarblyklik regtig groei.

Die res van die artikel kan jy hier aflaai: Aanbieding Intergenerationonal Erediens

Kreatiewe Nagmaal Diens

Hierdie is ‘n nagmaal erediens waarin die nagmaal op 4 maniere bedien word en die lidmate kan kies watter uitbeelding en betekenis van die nagmaal hulle wil ervaar. Alternatiewelik kan ‘n mens dit versprei oor 4 nagmaal geleenthede.

Laai hier die nagmaal stasies powerpoint van die nagmaaldiens af. Dit bevat ook die liturgie en preek riglyne in die notas daarvan, sowel as die besonderhede van hoe om die 4 tafels te dek.

Die woorde en tekste wat uitgedruk kan word vir die onderskeie tafels, kan hier word.

NOG 10 wenke vir kinders in die erediens

NOG 10 eenvoudige wenke om kinders te laat tuis voel in die erediens:

Anriëtte de Ridder

 

  1. Laat kinders iets voor in die diens kom haal of afgee.

Voorbeeld: ‘n simboliese saadjie of plantjie of gebedsversoek of kaartjie.

  1. Vra ‘n interaktiewe vraag wat mense in groepies / families vir mekaar antwoord.

Voorbeelde: Wie het ‘n groot invloed op jou lewe / lewe gehad? Wat is jou geliefkoosde Bybelverhaal? Waarvoor bid jy tans? Vertel van jou lekkerste verjaarsdag nog?

  1. Hou die erediens in ‘n ander plek.

Voorbeelde: ‘n piekniek erediens buite of ‘n diens om tafels in die saal of ‘n diens vir gesinne op die mat.

  1. Speel ‘n speletjie in die diens wat almal betrek

Voorbeelde: trek vragies uit ‘n hoed, bou jenga/lego om iets voor te stel of gee vir almal ‘n rooi en groen kaart en dan vir doen jy ‘n proefsteek met interessante  / snaakse vrae waarvoor elkeen moet “stem”.

  1. Vier die kerkjaar. Kinders is mal oor rituele en feeste.

Voorbeelde: Gebruik kleure en simbole. Betrek kinders by die versiering  van die erediens ruimte (hul kan in kategese iets maak byvoorbeeld vir advent of lydenstyd). Gee praktiese voorstelle wat hul tuis ook kan doen bv kruis op voordeur, adventskrans, ens.

  1. Let daarop en laat almal al hul sintuie gebruik met nagmaal (hoor, sien, vertel, voel en proe).
  2. Gee ‘n voorstel wat gesinne in die week kan doen om die boodskap van daardie dag te gaan leef.

Voorbeelde: besluit om een keer saam te eet hierdie week of maak broodjies en bring vir die sopkombuis bediening of besluit om hierdie week elke dag vir iets dankie te sê voor jul gaan slaap.

  1. Laat ‘n paar gesinne met kinders kollekte opneem.
  2. Laat kinders na kategese weer in die diens inkom en die gemeente wys wat hulle gemaak het terwyl iemand vertel waaroor hulle gesels het.
  3. Laat almal mekaar seën aan die einde van die diens. Gee die presies woorde hiervoor sodat dit gemaklik kan gebeur.

 

Wenke saamgestel na ‘n gesprek oor Familiedienste gereël deur die Wes Kaap Sinode se Taakspan vir Jeug- en Familie bediening 28 Julue 2016 te Communitas.

10 wenke vir kinders in die erediens

10 eenvoudige wenke om kinders te laat tuis voel in die erediens:

Anriëtte de Ridder

 

  1. Betrek gesinne by die verwelkoming by die deure

Ouers en kinders kan help met die bulletin uitdeel, verwelkom en plekke aanwys.

  1. Moedig generasie interaksie aan met interaktiewe vrae.

Laat kinders met ouer persone gesels deur ‘n vraag te vra en kinders moet dan by bejaarde lidmate die antwoord gaan kry.

Voorbeeld:  Gaan vra iemand wat lyk soos ‘n ouma of oupa hoe lank hulle al in die gemeente is. Kry dan die antwoorde en tel dit bymekaar. Of vra iemand ouer waarvan hulle hou van hierdie gemeente en kry terugvoer.

  1. Vier kinders en ouer persone se verjaarsdae van die afgelope week op ‘n nuwe manier.

Voorbeeld: Almal wat verjaar het moet bymekaar gaan staan en dan sing die gemeente “veels geluk” of deel ‘n blommetjie uit vir elkeen.

  1. Doen ‘n doop herinnering.

Almal kan na die doopvont gaan en dan vir mekaar met doopwater ‘n kruisie maak in elkeen se handpalm of op mekaar se voorkoppe. Gesinne kan dit saam doen. Gee spesifieke woorde. Of elkeen skryf die eerste letter van hul naam met hul vinger in die doopvont.

  1. Gebruik aksies of gebare of geluide wat almal kan saamdoen (om ‘n teks te onthou, ‘n storie uit te beeld of as ‘n gebedsmoment)

Voorbeeld: Hande na vore uitgesteek, handpalms oop en na bo in gebed

Almal wat help om die geluide van die storm te maak in die storie. die hele gemeente hou aan mekaar vas om die liggaam uit te beeld.

  1. Gebruik voorbeelde of foto’s uit die kinders se leefwêreld ook

Voorbeelde: gebruik foto’s van ‘n sportdag of eerste skooldag of verwys na iets wat kinders tans versamel of speel. Neem getuienisse van gesinne of tieners vooraf op om te wys in ‘n diens.

  1. “Oefen” die preek in die diens as dit oor ‘n familie- of geloofsgewoonte gaan.

Voorbeeld: laat hulle saam “wandel in die woord” of vir sake op die bulletin bid. Gee vir mekaar komplimente of luister na mekaar oor hoe elkeen God die afgelope week raakgesien het.

  1. Betrek gesinne en kinders by die nagmaal.

Voorbeeld: Laat gesinne die nagmaal tafel dek. Hou dit eenvoudig (tafeldoek, rolletjies en glasies sap) en laat twee of meer gesinne in die diens alles uitpak. Of ‘n paar gesinne kan ook saam die nagmaal uitdeel. Laat gesinne / groepe saam die nagmaal gebruik deur byvoorbeeld rolletjies te deel.

  1. Laat kinders kersies kom aansteek vir bepaalde gebed saak.
  2. Wees intensioneel met die kuier na die diens.

Voorbeelde: Gebruik gesinne om saam tee diens te doen. Gee vir elke gesin of persoon ‘n kleur plakker – elkeen moet dan gaan gesels met iemand wat ‘n ooreenstemmende kleur plakker ontvang het. Steek vure aan en braai stokbrood saam.

 

Wenke saamgestel na ‘n gesprek oor Familiedienste gereël deur die Wes Kaap Sinode se Taakspan vir Jeug- en Familie bediening 28 Julue 2016 te Communitas.

Kindermoment – videoclip oor aanvaarding of diversiteit

Kindermoment – video clip oor aanvaarding of diversiteit

Hierdie advertensie kan gewys word in ‘n preek of les wat handel oor aanvaarding, diversiteit, eenheid, uitreik, naasteliefde, diensbaarheid ens. dit handel oor ‘n seuntjie wat in ‘n rolstoel is en dus nie saam met die ander seuns basketbal kan speel nie. Maar die seuns maak ‘n plan om hom in te sluit. die video greep is korter as 1min.

Pinkster materiaal

On the Journey – Tiener preek reek sof kamp met 5 sessies

Die reeks bevat 5 sessies en sluit aan by die #imagine tema van 2017 maar herhaal dit nie. Dit is geskryf vir pinkster maar kan ook enige tyd van die jaar gebruik word. Dit sluit 5 preekriglyne in, asook voorstelle vir gebedstasies en grootgroep speletjies by elk. Dit kan ook maklik gebruik word vir ‘n kamp.

Vir die program in PDF formaat, “click” hier: On the journey – ‘n reeks of kamp vir tieners

Vir die verskillende media prentjies waarna verwys word in die materiaal,  “click” hier.


Elektroniese Tiener Pinkster

Sosiale Media is deel van meeste tieners se leefruimtes en kan so maklik gebruik word as ‘n goeie voermiddel om by almal uit te kom wat nie altyd by die kerk kan uitkom nie. Hierdie reeks is saamgestel uit  8 Bybelstudies vanuit die Onsglo webtuiste of toep, wat fokus op Pinkster-tema’s, met ‘n Whatsapp prentjie en Facebook post vir elke dag.

 

Hoe werk dit:

Die reeks is opgestel om oor 8 dae te loop soos hieronder voorgestel, maar voel vry om dit te gebruik soos benodig.

  • Donderdag 25 Mei: Hemelvaart
  • Sondag 28 Mei: Heilige Gees
  • Maandag 29 Mei: Geloof
  • Dinsdag 30 Mei: Kerk
  • Woensdag 31 Mei: Gebed
  • Donderdag 1 Junie: Gehoorsaamheid
  • Vrydag 2 Junie: Getuienis
  •  Sondag 4 Junie: Gawes
Vir elke dag is daar ‘n Whatsapp prentjie wat uitgestuur kan word aan die verskillende tienergroepe.
  1. Laai die Whatasapp prentjies met ‘n link na die dag se Bybelstudie stuk ,sowel as die “Whatsapp Boodskap” Word dokument op jou rekenaar af.
  2. Gaan na www.web.whatsapp.com (om Whatsapp boodskappe vanaf jou rekenaar te stuur).
  3. As jy nog nie op die website ingelog is nie, maak Whatsapp op jou foon oop, gaan na die menu (die 3 kolletjies onder mekaar regs in die hoek), kliek op Whatsapp Web, en scan die QR kode wat op die website wys met jou foon se kamera. Dit behoort jou dadelik na jou Whatsapp te neem.
  4. Gaan na die betrokke groep/persoon vir wie jy die prentjie wil stuur.
  5. Kliek op die attach (skuifspeld) ikoon regs bo, en dan op die pers foto ikoon wat sê “photos & videos”.
  6. Dit sal jou rekenaar dokumente oop maak. Soek die prentjie wat jy wil stuur en heg dit aan.
  7. As jy wil, maak dan op jou dokumente die “Whatsapp Boodskap” Word dokument oop, copy die betrokke prente se boodskap en paste dit onderaan die prentjie op jou Whatsapp chat.
  8. En nou…druk stuur!
Daar is ook ‘n Facebook post met van die inligting van die dag se Bybelstudie stuk wat gedeel kan word op Facebook, sowel as ‘n dokument met die link wat jy in die “write” gedeelte op jou Facebook post kan sit.

 

Kliek hier vir die Whatsapp prentjies.

Kliek hier vir die Elektroniese Tienerpinkster boodskap gedeeltes vir Whatsapp prentjies

Kliek hier vir die Facebook prentjies 

Kliek hier vir die Elektroniese Tienerpinkster boodskap gedeeltes vir Facebook posts

 

Die webtuiste kan besoek word by www.onsglo.co.za of laai die volledige toep af op jou slimfoon deur in jou playstore te soek vir “Ons glo”.

Kinderpinkster reeksGee my ‘n G.-E.-E.-S!

 
Het jy nog nie ‘n reeks vir Kinderpinkster nie of is jou inspirasie dalk min? 
Hierdie is ‘n reeks met 7 sessies wat afsonderlik vir bv Pinkstersondag of Pinksterfees gebruik kan word; as ‘n geheel (soos benodig word) of om jou huidige reeks aan te vul. Elke sessie het voorstelle vir ‘n inleidende speletjie, boodskap, ‘n gratis poppekas-video wat by elke sessie pas, en ‘n vaslê-kunsaktiwiteit. 
 
Temas vir die reeks:
  1. Pienk Stêr?! Wat is Pinkster? :: Handelinge 1:1-9,2:1-4
  2. Ek is belangrik Wat beteken Pinkster vir my? :: Joël 2:28–32
  3. Hoe spel mens G-E-E-S? Wie is die Heilige Gees? :: Johannes 16:5-15
  4. Lewe! Waarom het ons die Heilige Gees nodig? :: Esegiël 37:1,4–11,14
  5. Nuwe mense Hoe verander die Heilige Gees ons? :: Galasiërs 5:16-23,25
  6. Liefde, die beste Wat laat die Heilige Gees ons doen? :: 1 Korintiërs 12:27,31; 13:1–3,8–10,12–13
  7. Wat nou? Waarom vier ons Pinkster? :: Handelinge 1:8,2:1-13

Kliek hier om die volledige reeks in PDF formaat af te laai: Gee my n G E E S – Kinderpinkster Reeks

Kliek hier om video’s van die poppekas af te laai: Poppekas Video’s

 

Dank en Deel: Eksodus 16:1-5; 13-21

Votum: Psalm 8

Seëngroet: Vriende ek groet julle in die naam van die Vader, die Seun en die Heilige Gees, wat jou liefhet en aanvaar, net soos jy is.

Kersritueel: Wie het verjaar in die afgelope week? Of wie het hulle doop herinnering gevier?

Lofsang:

Lied: Michael W Smith : Open the eyes of my heart, Lord

Lied: FLAM 66: Op vaste fondamente

Lied: Loflaaities: Dis so lekker om die Here te dien Die liefde van Jesus is wonderbaar

Dankoffer

Dankgebed

Lied: Jeugsangbundel(Groen boek) no. 9 : Ek roem U naam

Skriflesing: Eksodus 16: 1 – 5; 13-21

Preek: In Eksodus lees ons van God wat homself in die woestyn aan Israel bekend stel as Jahwe. Die Here. Maar gemeente hierdie is nie enige Here nie, maar ons God wat geïnteresseerd is in die nood van mense. God stuur Moses terug na Egipte om die nakomelinge van Jakob uit te lei uit slawerny. Dit is een van grootste gebeurtenisse in die lewe van die groepie slawe. Met hierdie ongelooflike uittog bewys God Hom as die God van die geskiedenis. Hierdie uittog speel ‘n sentrale rol in die Ou Testament, Selfs die profeet Jesaja verwys na die terugkeer uit ballingskap as ‘n “nuwe uittog”.

Nou goed dan dis wonderlik, maar wat moet ek en jy met hierdie merkwaardige uittog verhaal maak? Ek wil vandag probeer om hierdie uittog verhaal bietjie meer eenvoudig uit te pak. Ek gaan 5 punte gebruik om dit te doen:

1. Alles behoort aan God en is ‘n geskenk aan ons

2. God gee genoeg vir almal sodat ons kan deel met almal

3. Om op te gaar veroorsaak verrotting. Dit stink!

4. Om te werk is om God te help die manna te versprei en uit te deel, die belofte wat God aan almal gemaak het.

5. God gee aan os tye van rus sodat ons kan oefen waaroor die lewe werklik gaan.

Ons moet eerstens besef dat God nog altyd ‘n plan met die Israeliete gehad het. So ook met ons. Ons lees daarvan in Hosea. God wil die mensdom groot maak soos ‘n ouer ‘n kind, beskerm, lief hê en versorg. God wil die Israeliete leer om te leef as volwasse en deelnemende vennote saam met Hom. God wou hê dat die Israeliete se lewens ‘n voorbeeld aan ander kan wees. Hulle lewens moes getuig van mense wat in vrede leef, met vreugde. Hulle moet juis ‘n getuienis wees hiervan sodat ander en sodat ons wat moeg is vir verdrukking, gulsigheid en oorlog ook hierdie voorbeeld wil volg. Deur die Israeliete, en ander wat daarna gevolg het, probeer God die wêreld leer om saam met hom in vennootskap te tree. En wanneer elkeen van ons met die wete leef dat ons ‘n vennoot van God is, ‘n rentmeester, sal ons in vrede kan leef. En so begin die lewe in die woestyn, en hierdie was ‘n moeilike lewe, maar God berei die Israeliete en so ook ons voor sodat ons uiteindelike in vennootskap saam met hom kan leef.

Die woestyn word sowaar die Here se klaskamer. Die plek waar die mense sal leer om te leef soos wat God nog altyd bedoel het. So wanneer vind die eerste les in hierdie klaskamer plaas? Die oomblik toe die Israeliete begin kla en vertroue verloor. Hulle kla oor die leiers, hulle kla oor die feit dat hulle nie kos het om te eet nie en net daar is die eerste geleentheid om die Israeliete weer klaskamer toe te roep.

1. Alles behoort aan God en alles wat ons ontvang is ‘n geskenk van God af.

Vriende wanneer die Israeliete begin kla en wonder of hul nie eerder beter af was as slawe in Egipte nie., dan antwoord God hul. Hy gee aan hulle die geskenk van Manna. Hy gee die opdrag dat hulle elke dag moet Manna optel, maar slegs vir daardie dag. As jy ‘n groot gesin is tel jy meer op en as jy ‘n klein gesin is tel jy minder op en so het almal elke dag genoeg kos vir die dag gehad. Niemand het ook te veel gehad nie.

God het aan die Israeliete bewys dat Hy werklik ‘n genadige en liefdevolle versorger is. Maar meer belangrik- God het die volk opnuut bewus gemaak dat Hy werklik in beheer is. God gee aan ons alles wat ons nodig het. En niks wat God ons gee, is iets wat ons ooit sal kan verdien nie. Alles wat ons ontvang is slegs uit genade. Dis hier waar ons ook onsself moet konfronteer. Hoeveel maal het jy nie by jouself gedink, maar ek verdien hierdie verhoging, ek verdien om in ‘n mooi huis te woon met ‘n nuwe kar, ek verdien om prefek te wees of hoofseun of meisie te word. Dis waar dat ons kan hard werk en onsself kan bewys, maar alles behoort tog aan ons Here. Selfs die krag en potensiaal om te presteer is net ‘n genadige geskenk. Wat ons ontvang, ontvang ons van ‘n genadige en liefdevolle God, wat ons wil versorg.

Draai nou na mekaar en deel met die persoon langs jou, wat jy die afgelope week of maand van God ontvang het. Ek gee jul ‘n minuut.

2. God gee genoeg aan almal sodat ons kan deel met almal

Ons lees dat daar groot en klein families was, maar elke Israeliet het genoeg manna gekry om hul gesin te voed en niemand het te veel gehad nie. Ons kan vandag hieruit leer. God voorsien in ons daaglikse brood. Voedsel en ander basiese behoeftes is iets wat almal benodig. Hierdie behoeftes het ieder en elk, ongeag van status, of titel of prestasies- hierdie behoeftes is iets wat elke in gemeen het. Die realiteit is dat God genoeg aan ons skenk. Ons het oor genoeg hulpbronne, ons het oorgenoeg kos, maar ons misbruik dit, ons wat meer geld het of meer bevoorreg is kan dit dalk makliker bekom as ‘n hawelose, maar dit maak hom of haar nie minder waardig nie. God voorsien vir al sy kinders op aarde, maar ons moet leer om dit wat ons ontvang, met ander te deel.

Draai na mekaar en vertel vir die persoon langs jou, van ‘n geleentheid waar jy bekommerd was dat daar nie genoeg sou nie, maar dat daar wel genoeg was. God het voorsien. Ek gee weer so ‘n minuut.

3. Om op te gaar veroorsaak verrotting! Dit stink!

Ons lees dat party van die Israeliete te veel manna opgetel het. Hulle wou dit bere vir die volgende dag. Ongelukkig het hierdie orige manna gevrot en baie suur geruik. Jy sien die oomblik toe die Israeliete die gewoontes van hulle vorige eienaars, die Farao’s van Egipte aan geneem het, en probeer meer bymekaar maak, as wat hul benodig het, leer hul dat TE VEEL beteken nie noodwendig blydskap nie, en dat gulsigheid tot verrotting lei. Hierdie is ‘n baie belangrike les vir ons. Ons het van soveel dinge te veel. Hoeveel maal dink ons nie by onsself… as ek maar net nog in teestel kan kry wat by my nuwe plekmatjies pas, of ek kort nog net een lekker paar tekkies, want my ander paar is eintlik net vir stap. Hoeveel van ons het nie klere, of gereedskap of meubels wat ons eintlik nie in jare gebruik het nie. Hoeveel van ons het eintlik maar ook te veel van iets nie. Hoeveel van ons het nie iets in die huis wat al vrot nie!

Draai nou weer na mekaar en deel met die persoon langs jou, wat jy in jou huis het wat eintlik al verrot. Waarvan het jy te veel?

4. Om te werk, is om God te help die manna versprei en uit te deel. Die geskenk wat God aan almal belowe het.

Die Israeliete moes elke dag gaan werk en die manna optel sodat hulle daarvan kon eet. Hulle moes werk om hierdie geskenk van God te geniet, te ontvang, maar ook te deel. Hierdie les is baie belangrik! Die Here gee aan ons genadige geskenke, maar Hy vra ook van ons om deel te neem aan Sy skepping, Sy plan, die bou van sy koninkryk. Soos ons ontvang, so moet ons ook deel. Elkeen van ons is ‘n deelnemende vennoot, rentmeester en mede-skepper saam met God. Daarom is dit vir my en jou belangrik om aan te hou werk. Ongeag jou beroep- of jy nou ‘n huisvrou of man is, ‘n prokureur, ‘n onderwyser, ‘n tuinier of ‘n verpleegster, Jy werk 5 nie net vir jouself nie, maar ten gunste van die hele skepping. Ons uitdaging is om te besef dat ons werk elke dag deel is van ‘n groter prentjie, dat ons werk deelname is aan God se skepping en dat dit ons weer in staat stel om te deel. God het ons as verhouding skepsels geskape. Ons is gemaak om in verhouding met mekaar en die Here te leef, maar ook in verhouding met mekaar te deel.

Neem nou weer so minuut, draai na mekaar en noem aan die persoon langs jou, hoe jy by jou werk of met jou werk ander kan leer deel, leer rus en of leer skep.

5. God gee aan ons tye van rus sodat ons kan oefen waaroor die lewe werklik gaan.

Die laaste les wat ons in die klaskamer van die woestyn leer is die les oor die Sabbat. Die les oor rus. God wou hê dat die Israeliete, en so ook ons vandag, die geskenk van rus en ontspanning ontvang. Die geskenk van tyd, sodat ons dit waaroor die lewe werklik gaan kan geniet. Sodat ons verhoudings, vennootskap en vriendskap ,met God, mekaar en die skepping tot in die volste sin van die woord geniet!!! Selfs die Israeliete moes die 6de dag harder werk sodat hulle die sewende dag kon rus. Hulle moes die sesde dag manna optel vir twee dae. God sien rus as ‘n belangrike deel van ons lewens, en tog is dit die minste belangrik in ons oë. Die mens vandag hoef nie elke dag te werk om die geskenke, die manna van God, te ontvang en uit te deel nie. Hierdie geskenk van ekstra tyd is iets wat ons moet koester. Dis hierdie geskenk van tyd wat dit vir die mens, diere en die skepping moontlik maak om ook te rus. Die Sabbat, ‘n rus dag is juis wat dit vir ons moontlik maak om werklik die vriendskap met God, ons mede skepsels en die skepping te geniet.

Dallas willard vra die volgende vraag: “Do you think God gave you more work than you have time for today?”.

Tog sien ons selfs kerk toe gaan, as ‘n werk, ‘n taak wat ons tyd om te rus wegneem. Moet ons nie dan juis herbesin oor hoe ons ons tyd bestee nie. Is ons nie besig om so min tyd te maak vir rus, dat ons selfs ons kosbaarste oomblikke van verhouding-bou met God en ons medemens prys gee nie. God gee tog ook die geskenk van genoeg tyd…

Draai na mekaar en besluit op iets wat jy hierdie week gaan doen, sodat jy meer tyd sal maak om te rus en deel dit ,met die ander persoon.

God het dag na dag manna uitgedeel en gedroom van ‘n universele manna gemeenskap. ‘n Gemeenskap waar almal ontvang, dankbaar is en deel. God droom van ‘n wêreld waar daar geen big shots of hawelose is nie, geen arm en ryk nie, geen verdrukker en verdrukte nie, maar waar die menslike lewe in harmonie met die hele skepping leef, waar elke gedeelte leef vir die beter van die hele wêreld. God droom van vrede, ‘n geneesde wêreld. Kan ons onsself deel maak van hierdie droom. Kan ons weer leer ontvang, dank en deel. Dis die uitdaging vir elkeen van ons!

Gebed.

Slotlied: Liedboek 253: v 1+2 U het die brood gebreek

Seën: Mag die Here jou God jou seën, en mag jy tot seën van ander leef, mag ons leer om te ontvang, te deel en te rus.

Liedboek 334

Amen, amen, amen.

Geskryf deur Ds. Jana Dickison

Vir ‘n drukbare PDF weergawe, “click” hier: Familiediens Preek – Dank en Deel, Eksodus 16v1-5 & 13-21

Jeugdiens: Naby

naby Facebook banner

Tema: Genade verniet

Teks: Romeine 10:5-15

Die jaar het begin en ons almal moet het sekerlik weer nuwe jaar voornemens gemaak of beplan om iets af te handel hierdie jaar. Dalk gaan jy hierdie jaar al daardie gewig verloor, leer kitaar speel, die marathon hardloop, jou roetine opskerp sodat jy nie van die huis af ook hoef te werk nie.

Dadelik het hierdie jaar ook seker weg gespring met nuus oor hoe swaar ons gaan kry en hoe moeilik dit gaan wees om daardie voornemens na te kom. Die petrol is reeds op en inflasie maak ons kos duurder. By die skool het hulle vir jou gesê dat hierdie jaar moeiliker gaan wees, jy is nie meer ‘n kind nie, jy gaan moet hard werk (moenie te erg daaroor worry nie, hulle gaan dit elke jaar vir jou se.). Dit is hoe ons wêreld in mekaar steek, dit is hoe ons salarisse verdoen, matriek sertifikate kry, grade kry. Ons kry net as ons dit verdien of hard gewerk het daarvoor. Daarom het ek gedink om met julle goeie nuus te deel, die Evangelie, wet letterlik “goeie nuus” beteken.

Wanneer ons die Evangelies van Jesus lees (die boeke in die begin van die Nuwe Testament) wat ons die verhaal van Jesus vertel, leer ons dat die belangrikste ding wat jy vir hierdie jaar nodig het, die een ding wat alles laat sin maak, die een ding wat ons nodig het om die mens te word wat God ons geskep het om te wees, nie iets is waarvoor jy hoef te werk nie. Vir die eenvoudige rede: jy nie kan nie!

Wanneer ons Paulus se brief aan die gemeente in die boek Romeine lees, dan word dit vir ons mooi verduidelik.

Vir die res van die boodskap kan hierdie skakel gevolg word: Romeine 10 preek

Vir die kategese materiaal oor hierdie teks en tema kan hierdie skakel gebruik word: Naby kategese

Die prent hieronder kan afgelaai en gebruik word as ‘n sosiale media “post”, deur regs te “click” en die “save picture as” opsie te gebruik. (Die prent heel bo kan op dieselfde manier afgelaai word om as ‘n Facebook “banner” te gebruik)

 

“Niemand wat in Hom glo,sal teleurgestel word nie.”

Kinderoomblik: Dinge wat ons vashou

Dinge wat ons Vashou

Teks: Markus 1:21-28

Kry ‘n vrywilliger uit die kinders.

Bind hulle arms vas aan hulle lyf met sagte toue/bande. Vra hulle om ‘n omgedopte glasie van die grond af op te tel en neer te sit op ‘n tafel met die balletjie wat daaronder lê binne-in.

Maak die kind nou los en vra hulle om dieselfde te doen met ‘n tweede glasie en balletjie.

Vra watter keer makliker was.  Hoekom?  Wat het jy nodig gehad om dit te kan doen?  Het jy dit dan nie?

Ons het almal dinge in ons lewens wat ons vashou soos wat hierdie toue hulle arms vasgehou het. Ons is geskape deur God om te lewe as sy kinders, maar daar’s dinge wat ons vashou en ons keer om so te kan lewe. Net Jesus het die mag en die gesag om ons te bevry van al hierdie dinge wat ons vashou en ons keer om te leef as Christene in die wêreld.

Kinderoomblik: God is groter as wat ons kan sien (Numeri 13)

God is groter as wat ons kan sien

Teks: Numeri 13:1-14:24

Wat sien julle in hierdie prentjie?kinderoomblik1

Daar is drie verskillende dinge wat mens kan sien wanneer jy na hierdie prent kyk, maar is dit steeds dieselfde prent?  Ja!  Ons kyk almal na dieselfde prent, maar ek sien ‘n bejaarde oom en tannie, jy sien twee Meksikaanse kitaarspelers, en iemand anders sien ‘n blompot.

Dit was presies wat gebeur het met die 12 verkenners in ons storie vandag. Daar was 12 verkenners – een uit elke stam van Israel – en hulle het almal saam die hele land Kanaän gaan verken soos wat die Here hulle opdrag gegee het deur sy boodskapper Moses, maar hulle almal het nie dieselfde storie aan die volk vertel nie.

Al die verkenners het teruggekom met lieflike vrugte en het vertel hoe wonderlik en vrugbaar hierdie land is, maar 10 van hierdie verkenners het gesê dat dit nie regtig saak maak nie, want die mense wat daar woon is reuse en hulle is sterk.  Hulle het vir die volk gesê dat hulle eerder hierdie hele ding maar moet los, omdat hulle bang was vir die reuse in hierdie land…  Maar 2 van die verkenners het nie so oor die saak gevoel nie.  Kaleb het opgestaan en vir die volk gesê: “Ons moet beslis optrek en die land in besit neem, want ons kán dit doen.”

 

Kinderoomblik: Gereed wees (Matt 25:1-13)

Kinderoomblik (4)

Teks: Matteus 25:1-13

(Met kinders voor jou)

Wie het al gaan kamp?

Wie het al iets vergeet by die huis wat hulle nodig gehad het op die kamp?

Partykeer pak ons mos in en vergeet die dinge wat die belangrikste is by die huis: soos jou handdoek en jou eetgerei – hoe gaan jy eet of stort?!

Dan is jy eintlik teenwoordig op die kamp, maar verseker nie voorbereid nie! Jy kan daar wees, sonder om reg te wees daarvoor!

(Slaan vooraf ‘n tent op met ‘n kampstoel en tafel in liturgiese ruimte)

Hier het ons nou sover ‘n tent en ‘n kampstoel en ‘n tafel. Ek het julle gereelde kampers se hulp nodig, want ek gaan kamp nie baie gereeld nie en duidelik is ek nie baie ingelig oor wat ek nodig het nie.

(Steek al hierdie items iewers agter weg en gaan haal dit uit soos die kinders dit noem)

Ek is honger.  Wat gaan ek nodig hê as ek honger is? (Vb’e: Gasstofie, pan, cooler box & eetgerei)

Ek is nou klaar geëet. Wat maak ek nou met die vuil skottelgoed?  (Skottel)

Nou is dit donker. Wat het ek nou nodig? (Lantern & koplig)

Sjoe, maar hierdie lig trek darem nou baie muskiete. Wat het ek nodig om hulle weg te hou? (Tabard & Citronella kers)

Nou het ek lekker geëet, maar magie vol, ogies toe! Ek is moeg. Wat het ek nou nodig? (Slaapsak, kussing & opblaasmatras