EREDIENS

Idees en hulpbronne vir Eredienste van kindermomente tot jeugdienste

Gebed oor vrese

Kyk saam na ‘n video (of ʼn gedeelte daarvan) as ysbreker vir die gebedsoefening

Gebedsoefening:

  • Here, ek is bang vir…
  • Hierdie vrees laat my desperaat, kwaad, en mismoedig
  • Hierdie vrees staan soos ʼn muur tussen my en my geloof
  • Here, breek hierdie muur af. Vernietig dit vir ewig
  • Tree in waar hierdie muur gestaan het, en lei my terug na my geloof
  • Herinner my wat dit beteken om in U te glo

 

Doolhof van gebed

Idee vir ‘n erediens of kleingroep

Gebruik hierdie doolhof om gesinne te help om saam te bid:

  • Tydens die erediens
  • Tydens kleingroepe
  • Tydens huisgeloof

 

Gebruik die verskillende simbole om te dink oor verskillende temas. Elke simbool het nie ʼn spesifieke betekenis nie, om elkeen ruimte te gee om te dink oor wat God nou besig is om te doen in hulle lewe – “Waarvan maak God my nou bewus?”

Daar is wel ʼn antwoord vir die doolhof. Gesinne kry kans om saam te speel terwyl hulle bid. As hulle ʼn simbool mis, kan hulle na die tyd teruggaan om daaroor te bid en kyk of hulle nog ʼn antwoord daarvoor kan kry.

Doolhof van Gebed

Doolhof oplossing

Adventreeks vir gesinne: name van Jesus

Hier is ‘n adventsreeks vir gesinne oor die name van Jesus volgens Jesaja 9:5. Daar is 5 kort Bybelstudies wat gesinne saam hierdie vakansie kan doen wat elk telkens ‘n teksgedeelte, aktiwiteit, gespreksvrae en gebedswenk bevat. Dit is saamgestel deur twee predikante uit buurgemeentes in Wellington, Lettie Büchner en Annelet Slazus. Die formaat is van só aard dat dit maklik deur gemeentes gedruk en as ‘n pakket uitgedeel kan word.

Die temas is as volg:
Advent (inleiding)
1. Name het betekenis (Jesaja 9:5)
2. Wonderbare Raadsman (Johannes 3:1-21)
3. Magtige God (Johannes 6:1-15)
4. Ewige Vader (Lukas 18:15-17)
5. Vredevors (Lukas 19:1-10)

Kersfees_Kosblik_2018

Opsioneel: voeg bordkryt en ‘n teeliggie by elke gesin se pakket as hulpmiddels.

Kersfees is ‘n Jesusfees   

Kersboek vir gesinne om betekenisvol saam fees te vier       

Op julle merke … vertel … versier … vier!

Deur Chrissie Kritzinger

Gesinstradisies word mettertyd omskep in die kosbaarste kindertydherinneringe wat kinders waarskynlik eendag weer in hul eie gesinne sal toepas. Kersfees is ’n Jesusfees is geskryf met die hoop dat ’n nuwe tradisie van betekenisvolle Kersfees-rituele in gesinne sal posvat. Hoewel die belangrikste elemente die saamgesels, bid en sing is, sal die handaktiwiteite baie waardevol wees om die boodskap te herhaal, en boonop die jongspan heeldag besig hou!

Bonus: ’n Gratis CD met nuwe sowel as ou bekende kersliedere asook foto’s en instruksies wat aktiwiteite verduidelik. (more…)

Kinderseën

NGK Stellenbosch-Welgelegen se eredienste verloop op só ‘n wyse dat die Gr. 1-7’s vir die eerste gedeelte van die erediens in die aanbiddingsruimte is saam met die res van die gemeente en dan op ‘n sekere punt uitbeweeg vir kategese in ‘n ander lokaal.

Na ‘n besoek van een van die leraars aan Church of the Servant Christian Reformed Church in Grand Rapids, Michigan, vroeër vanjaar, het hulle ‘n nuwe tradisie begin waar die gemeente en kinders mekaar se tyd wat hulle saam met God spandeer nadat hulle uitmekaar uit gaan, seën.

Wat vir leraar Elzanne van der Westhuizen, wat dit vertaal en aangepas het vanaf die seën wat hiervoor gebruik word in dié gemeente in Amerika, so spesiaal is van hierdie seën, is dat die kinders ‘n rol as ‘n volwaardige Christen speel hierin en die “grootmense” óók seën – ‘n rol wat vir baie lank beperk was tot die leraar in die NG Kerk.

 

Ons Seën MekaarResponsoriese Litanie

Voorganger:    Familie van Christus, wat is julle gebed vir hierdie kinders?

Gemeente:      Mag die Here by julle wees.

Kinders:           En ook by julle.

Gemeente:      Mag die Woord van God groei in julle harte.

Kinders:           Dankie God!

Gemeente:      Gaan in vrede.

Familie- of ‘n Jeugdiens Nagmaal

Hier is ‘n voorbeeld van ‘n Powerpoint wat gebruik kan word in ‘n Familie- of ‘n Jeugdiens saam met die Nagmaal. Die Powerpoint bevat ‘n eenvoudige verduideliking van sakramente en daarna die 5 betekenisse van die Nagmaal verwerk uit die eerste formulier in die Eredienshandleiding. Een voorstel is om die betekenisse ook uitmekaar uit te haal en te fokus op een of twee afhangende van die tema van die teks op dié betrokke dag wat die Nagmaal gevier word (bv. om in Lydenstyd/Groot Lydensweek te fokus op die “onthou”-betekenis).

Laai hieronder alles af wat jy nodig het:

Nagmaal – Powerpoint in pdf formaat.

Nagmaal – Betekenis Powerpoint

Powerpoint oorspronklik saamgestel deur Callie Visagie van Stellenberg Gemeente en verwerk deur Elzanne van der Westhuizen.

Berei jou kinders voor vir die nagmaal

Die Nagmaal versterk nie net ons geloof nie, dit leer en vorm ons ook. Elke kind kan aanvoel dat die Nagmaal spesiaal is en met respek behandel moet word, maar soms sukkel ons almal om te verstaan hoekom ons nou juis die Nagmaal vier. Somerstrand Gemeente gebruik hierdie boekie die week voor hulle nagmaal vier om as gesin saam te gesels oor wat nagmaal beteken en hoe ons dit vier. Laai hulle boekie hier af en gebruik dit gerus vir inspirasie.

Laai die boekie hier af: Nagmaal Kinders

Kreatiewe Nagmaal Diens

Hierdie is ‘n nagmaal erediens waarin die nagmaal op 4 maniere bedien word en die lidmate kan kies watter uitbeelding en betekenis van die nagmaal hulle wil ervaar. Alternatiewelik kan ‘n mens dit versprei oor 4 nagmaal geleenthede.

Laai hier die nagmaal stasies powerpoint van die nagmaaldiens af. Dit bevat ook die liturgie en preek riglyne in die notas daarvan, sowel as die besonderhede van hoe om die 4 tafels te dek.

Die woorde en tekste wat uitgedruk kan word vir die onderskeie tafels, kan hier word.

Kindermoment – videoclip oor aanvaarding of diversiteit

Kindermoment – video clip oor aanvaarding of diversiteit

Hierdie advertensie kan gewys word in ‘n preek of les wat handel oor aanvaarding, diversiteit, eenheid, uitreik, naasteliefde, diensbaarheid ens. dit handel oor ‘n seuntjie wat in ‘n rolstoel is en dus nie saam met die ander seuns basketbal kan speel nie. Maar die seuns maak ‘n plan om hom in te sluit. die video greep is korter as 1min.

kindermoment – Oupa Abie video clips

Kindermoment – Oupa Abie video clips
Nuttige skakel met ‘n weeklikse poppekas episode:

www.facebook.com/AbieOupa

“Oupa Abie” se facebook blad bied elke week ‘n gratis 4-5 min poppekas video om te gebruik in eredienste of kategese. Die pop “Oupa Abie” gesels gewoonlik met een van sy kleinkinders oor die leesrooster teks van daardie week. Handig om te gebruik as ‘n kinderoomblik of as ‘n huisgeloof hulpmiddel om deur gesinne tuis te kyk en te bespreek. LW al is hierdie ‘n poppekas is dit gerig op die vlak van ‘n Graad 5-7 laerskool kind. Daar is ook gespreksvrae onder aan die youtube skakel.
In hierdie episode gesels Oupa Abie met Carlo oor God, Jesus en die Heilige Gees (1 Korintiërs 13: 11-13)

Pinkster materiaal

On the Journey – Tiener preek reek sof kamp met 5 sessies

Die reeks bevat 5 sessies en sluit aan by die #imagine tema van 2017 maar herhaal dit nie. Dit is geskryf vir pinkster maar kan ook enige tyd van die jaar gebruik word. Dit sluit 5 preekriglyne in, asook voorstelle vir gebedstasies en grootgroep speletjies by elk. Dit kan ook maklik gebruik word vir ‘n kamp.

Vir die program in PDF formaat, “click” hier: On the journey – ‘n reeks of kamp vir tieners

Vir die verskillende media prentjies waarna verwys word in die materiaal,  “click” hier.


Elektroniese Tiener Pinkster

Sosiale Media is deel van meeste tieners se leefruimtes en kan so maklik gebruik word as ‘n goeie voermiddel om by almal uit te kom wat nie altyd by die kerk kan uitkom nie. Hierdie reeks is saamgestel uit  8 Bybelstudies vanuit die Onsglo webtuiste of toep, wat fokus op Pinkster-tema’s, met ‘n Whatsapp prentjie en Facebook post vir elke dag.

 

Hoe werk dit:

Die reeks is opgestel om oor 8 dae te loop soos hieronder voorgestel, maar voel vry om dit te gebruik soos benodig.

  • Donderdag 25 Mei: Hemelvaart
  • Sondag 28 Mei: Heilige Gees
  • Maandag 29 Mei: Geloof
  • Dinsdag 30 Mei: Kerk
  • Woensdag 31 Mei: Gebed
  • Donderdag 1 Junie: Gehoorsaamheid
  • Vrydag 2 Junie: Getuienis
  •  Sondag 4 Junie: Gawes
Vir elke dag is daar ‘n Whatsapp prentjie wat uitgestuur kan word aan die verskillende tienergroepe.
  1. Laai die Whatasapp prentjies met ‘n link na die dag se Bybelstudie stuk ,sowel as die “Whatsapp Boodskap” Word dokument op jou rekenaar af.
  2. Gaan na www.web.whatsapp.com (om Whatsapp boodskappe vanaf jou rekenaar te stuur).
  3. As jy nog nie op die website ingelog is nie, maak Whatsapp op jou foon oop, gaan na die menu (die 3 kolletjies onder mekaar regs in die hoek), kliek op Whatsapp Web, en scan die QR kode wat op die website wys met jou foon se kamera. Dit behoort jou dadelik na jou Whatsapp te neem.
  4. Gaan na die betrokke groep/persoon vir wie jy die prentjie wil stuur.
  5. Kliek op die attach (skuifspeld) ikoon regs bo, en dan op die pers foto ikoon wat sê “photos & videos”.
  6. Dit sal jou rekenaar dokumente oop maak. Soek die prentjie wat jy wil stuur en heg dit aan.
  7. As jy wil, maak dan op jou dokumente die “Whatsapp Boodskap” Word dokument oop, copy die betrokke prente se boodskap en paste dit onderaan die prentjie op jou Whatsapp chat.
  8. En nou…druk stuur!
Daar is ook ‘n Facebook post met van die inligting van die dag se Bybelstudie stuk wat gedeel kan word op Facebook, sowel as ‘n dokument met die link wat jy in die “write” gedeelte op jou Facebook post kan sit.

 

Kliek hier vir die Whatsapp prentjies.

Kliek hier vir die Elektroniese Tienerpinkster boodskap gedeeltes vir Whatsapp prentjies

Kliek hier vir die Facebook prentjies 

Kliek hier vir die Elektroniese Tienerpinkster boodskap gedeeltes vir Facebook posts

 

Die webtuiste kan besoek word by www.onsglo.co.za of laai die volledige toep af op jou slimfoon deur in jou playstore te soek vir “Ons glo”.