journey

#imagine videos “On the journey… signs”

Het jy geweet dat #imagine maak unieke, oorspronklike videos vir elke fees? Die 2017 #imagine experience se tema het daaroor gegaan dat Jesus jou ontmoet op jou lewensreis (on the journey). In die proses ontdek jy hoe Hy jou kan gebruik om ‘n verskil te maak in die wêreld. Kyk na die volgende 3 videos oor 8 tieners se reis met Jesus. Hierdie kan ook vertoon word as deel van ‘n preek reeks of ‘n kamp.

#imagine Signs Part 1

Ons elkeen het unieke uitdagings op ons lewenspad ( “On the journey”)…wat jy al deurgemaak? Watter dinge glo jy oor jouself? Ontmoet Jesus by die kruis-pad en glo dat Hy jou liefhet (GLO)…

#imagine Signs Part 2

Ontdek dat Jesus saam met jou reis en dat Hy jou ‘n lewe van invloed wil gee. Hy skenk aan jou gawes en leer vir jou deur Sy Gees om ‘n verskil te maak deur ander te help…. (DOEN)

#imagine Signs Part 3

Soos wat jy glo en doen, sal God jou ook inspireer om groot drome te droom van hoe om Sy Koninkryk uit te leef en ‘n realiteit te maak…. (DROOM)

Laai die gratis tiener Bybelstudie boek af On the journey.

Besoek die #imagine webtuiste imaginemovement vir meer inligting oor hoe hierdie tiener beweging DROOM, GLO en DOEN of volg die youtube kanaal imaginemovementsa om na meer #imagine videos te kyk!

Pinkster materiaal vir tieners

On the Journey – Tiener preekreeks of kamp met 5 sessies

Die reeks bevat 5 sessies en sluit aan by die #imagine tema van 2017, maar herhaal dit nie. Dit is geskryf vir pinkster maar kan ook enige tyd van die jaar gebruik word. Dit sluit 5 preekriglyne in, asook voorstelle vir gebedstasies en grootgroep speletjies by elk. Dit kan ook maklik gebruik word vir ‘n kamp.

Vir die program in PDF formaat, klik hier: On the journey – ‘n reeks of kamp vir tieners

Vir die verskillende media prentjies waarna verwys word in die materiaal, klik hier.


Elektroniese Tiener Pinkster

Sosiale media is deel van die meeste tieners se leefruimtes en kan daarom maklik gebruik word om tieners te bereik wat nie altyd by die kerk kan uitkom nie. Hierdie reeks is saamgestel uit 8 Bybelstudies vanaf die Ons Glo webtuiste of toep, wat fokus op Pinkster-tema’s, met ‘n Whatsapp prentjie en Facebook plasing vir elke dag.

Hoe werk dit?

Die reeks is opgestel om oor 8 dae te loop soos hieronder voorgestel, maar voel vry om dit te gebruik soos benodig.

  • Donderdag: Hemelvaart
  • Sondag: Heilige Gees
  • Maandag: Geloof
  • Dinsdag: Kerk
  • Woensdag: Gebed
  • Donderdag: Gehoorsaamheid
  • Vrydag: Getuienis
  • Sondag: Gawes
Vir elke dag is daar ‘n Whatsapp prentjie wat uitgestuur kan word aan die verskillende tienergroepe.
  1. Laai die Whatsapp prentjies met ‘n skakel na die dag se Bybelstudie, sowel as die “Whatsapp Boodskap” dokument op jou rekenaar af.
  2. Gaan na www.web.whatsapp.com (om Whatsapp boodskappe vanaf jou rekenaar te stuur).
  3. As jy nog nie op die website ingelog is nie, maak Whatsapp op jou foon oop, gaan na die menu (die 3 kolletjies onder mekaar regs in die hoek), klik op Whatsapp Web, en scan die QR kode wat op die website wys met jou foon se kamera. Dit behoort jou dadelik na jou Whatsapp te neem.
  4. Gaan na die betrokke groep/persoon vir wie jy die prentjie wil stuur.
  5. Klik op die attach (skuifspeld) ikoon regs bo, en dan op die pers foto ikoon wat sê “photos & videos”.
  6. Dit sal jou rekenaar dokumente oopmaak. Soek die prentjie wat jy wil stuur en heg dit aan.
  7. As jy wil, maak dan op jou dokumente die “Whatsapp Boodskap” Word dokument oop, copy die betrokke prente se boodskap en paste dit onderaan die prentjie op jou Whatsapp chat.
  8. En nou…druk stuur!

Daar is ook ‘n Facebook post met van die inligting van die dag se Bybelstudie wat gedeel kan word op Facebook, sowel as ‘n dokument met die skakel wat jy in die “write” gedeelte op jou Facebook plasing kan sit.

Alles wat jy nodig het, kan jy hier onder aflaai:

Whatsapp prentjies

Elektroniese Tienerpinkster boodskap gedeeltes vir Whatsapp prentjies

Facebook prentjies  

Elektroniese Tienerpinkster boodskap gedeeltes vir Facebook posts

Die webtuiste kan besoek word by www.onsglo.co.za of laai die volledige toep af op jou slimfoon deur in jou playstore te soek vir “Ons glo”.