materiaal

Materiaal vir Kategete opleiding

Op die 24ste Oktober het Ringsverteenwoordigers van regoor die Wes-Kaap bymekaar gekom en gesels oor kategete opleiding. Hier is die materiaal en hulpbronne wat hulle ontvang het, dalk is daar iets wat jy in jou gemeente kan gebruik? Jy word ook aangemoedig om jou ring se jeugverteenwoordiger te kontak om in meer diepte oor hierdie materiaal en ander hulpbronne te gesels.

(more…)

Kersfees is ‘n Jesusfees   

Kersboek vir gesinne om betekenisvol saam fees te vier       

Op julle merke … vertel … versier … vier!

Deur Chrissie Kritzinger

Gesinstradisies word mettertyd omskep in die kosbaarste kindertydherinneringe wat kinders waarskynlik eendag weer in hul eie gesinne sal toepas. Kersfees is ’n Jesusfees is geskryf met die hoop dat ’n nuwe tradisie van betekenisvolle Kersfees-rituele in gesinne sal posvat. Hoewel die belangrikste elemente die saamgesels, bid en sing is, sal die handaktiwiteite baie waardevol wees om die boodskap te herhaal, en boonop die jongspan heeldag besig hou!

Bonus: ’n Gratis CD met nuwe sowel as ou bekende kersliedere asook foto’s en instruksies wat aktiwiteite verduidelik. (more…)

Life is beautiful

Die 7 weke reeks kom uit uittreksels van die Bergrede. Een van Jesus se doelwitte met die Bergrede was om mense praktiese leiding te gee oor hoe om so te lewe dat iets van die koninkryk van die hemele nou reeds sigbaar word in ons lewens. Die koninkryk is dus nie die hemel daar vêr in die toekoms of daar vêr buite ons sonnestelsel nie. Wanneer ons Jesus se lesse hier volg, kan ons nou reeds iets van sy beloofde mooi lewe beleef.

(more…)

Algoa gemeenskapskerk hulpbronne

Algoa gemeenskapskerk het ook ‘n blog met baie hulpbronne. Gaan lees gerus hier oor hierdie gemeente ek loer hieronder na alles wat by hulle beskikbaar is. Hulle het ‘n Blog begin en stel gratis Afrikaanse jeugmateriaal beskikbaar. Hulle skryf hulle eie Sondagskool en Kinderkerk lesse wat alles gratis op die Blog beskikbaar is. Hulle het ook ‘n klomp ander hulpbronne – meestal in Afrikaans – wat ook gratis afgelaai kan word:

BYBEL AKTIWITEITE:

https://algoagemeenskapskerk.wordpress.com/category/aktiwiteite/

JEUG FUNAANDE / FAMILIE FUNAANDE:

https://algoagemeenskapskerk.wordpress.com/category/funaande/

INTERNET HULPBRONNE:

https://algoagemeenskapskerk.wordpress.com/category/internet-hulpbronne/

JEUG ALPHA:

https://algoagemeenskapskerk.wordpress.com/category/jeug-alpha/

SPELETJIES:

https://algoagemeenskapskerk.wordpress.com/category/speletjies/

#SLEUTELGEDAGTES: Gedagtes rondom belangrike onderwerpe onder andere hoe om iemand na Jesus te te lei

https://algoagemeenskapskerk.wordpress.com/category/sleutelgedagtes/

FAN OR FOLLOWER:

https://algoagemeenskapskerk.wordpress.com/category/fan-or-follower/

KERSFEES:

https://algoagemeenskapskerk.wordpress.com/category/kersfees/

PAASFEES:

https://algoagemeenskapskerk.wordpress.com/category/paasfees/

PRAISE AND WORSHIP:

https://algoagemeenskapskerk.wordpress.com/category/praise-and-worship/

GEBED:

https://algoagemeenskapskerk.wordpress.com/category/gebed/

Hoe gebruik jy ONSGLO?

As jy dalk opsoek is na huisgeloof materiaal vir jou gemeente se gesinne of ‘n groener alternatief vir jou tiener kategese materiaal, dan is die Onsglo.co.za webtuiste en selfoon toep dalk net wat jy nodig het.

NG Gordonsbaai het die Onslgo toep gebruik vir hulle huisgeloof en Tiener bediening. Die eerste voordeel van hierdie selfoon toep is dat daar geen materiaal gedruk of aangekoop hoef te word nie. Gesinne en kategete word aangemoedig om die Onsglo selfoon toep af te laai van die “Play store” af en word dan net ingelig oor watter tema volgende bespreek gaan word.

Onsglo het binne die verskillende temas wat behandel word onderafdelings van aktiwiteite wat die leser help om ‘n spesifieke teks en tema te verken. Die Kyk, Dink en Doen aktiwiteite onder elke tema kan gesinne en tiener kleingroepe help om die gekose teks vir die week se tema te verken. Die taalgebruik is van so ‘n aard dat dit net so gebruik kan word in tiener kleingroepe maar sal waarskynlik ‘n bietjie meer verduidelik moet word wanneer dit in ‘n gesin met jonger kinders gebruik word.

Onsglo het nie net aktiwiteite wat kleingroepe en gesinne kan help om ‘n teks te verken nie, maar het ook voorstelle vir gebed en aktiwiteite vir families, tieners en individue onderskeidelik. Hierdie voorstelle is praktiese maniere om gebed te leef en om die teks en tema te oefen as ‘n lewensritme.

Die ideaal sal wees dat gemeentes gebruik maak van Onsglo se tekste as preek tekste in ‘n reeks en die toep dan laat dien as materiaal wat in kleingroepe of gesinne gebruik kan word om die teks verder te verken.

Raw spirituality

Hierdie boek oor spiritualiteit is ‘n fantastiese boek met praktiese voorstelle en handleidings om verskillende geloof gewoontes te oefen. Die boek, geskryf deur Tom Smith, ‘n Suid-Afrikaner, bevat wonderlike inspirerende stories en teologie wat jou as individueel, julle as gemeente of kleingroep kan help om saam die gewoontes van Jesus en die vroeë kerk te herontdek en te oefen.

Tussen al die redes waarom jy hierdie boek moet lees, is die belangrikste dat hierdie boek gemeentes in Suid-Afrika kan help om verhoudings te bou oor kultuur, sosiale en ekonomiese grense.

 

‘n 3-5 week reeks oor die Bybel

‘n 3-5 week reeks oor die Bybel

Laat elke tiener, kategeet en ouers die gratis toep “onsglo” aflaai op hul selfone (op die appstore en google play store beskikbaar)

https://play.google.com/store/apps/details?id=za.co.onsglo&hl=en

https://itunes.apple.com/za/app/ons-glo/id1220885509?mt=8

Die inhoud is ook op die webtuiste www.onsglo.co.za beskikbaar.

Gebruik dan die Bybelstudies en “lees meer” gedeeltes onder die afdeling “Bybel”. Daar is ‘n teks en gespreksvrae vir die kategese kleingroepe. Vir die kategeet is daar ‘n “delf dieper” gedeelte om te lees. Daar is ook telkens ‘n aktiwiteit, gebedswenk en tiener fokus by elke onderwerp. Doen dit vir 3 weke (tema 1-3) of vir 5 weke (voeg tema 4 en 5 by). Ouers kan aangemoedig word om saam met die tieners die reeks te volg en tuis dit ook saam te doen.

Week 1: Inspirasie van die Bybel

Esegiël 2: 9 – 3:3

Delf dieper – Coenie Burger

 

Week 2: Konteks van die Bybel

Josua 6:1-21

Delf dieper – Ian Nell

 

Week 3: Hoe lees ons die Bybel

Lukas 2: 41-52

Delf dieper – Julie Claassens

 

Week 4: Onderskei God se stem

1 Samuel 3: 1-18

Delf dieper – Tiana Bosman

 

Week 5: Die Heilige Gees

Handelinge 1:1-8

Delf dieper – Henco van der Westhuizen

Paulus Videos

Het jy geweet #imagine maak hul eie videos vir elke fees? Hier is 3 van die 2017 #imagine fees wat handel oor die agtergrond, bekering, eienskappe en sending van Paulus. Gebruik die gerus om saam met Paulus te dink oor jou eie lewensreis. Lees Handelinge 9 en laai die GRATIS Tiener Bybelstudie boekie af On the journey oor hierdie tema.

Paul Scripture Video 1

Paul Scripture Video 2

Paul Scripture Video 3

As jy ‘n leier is kan jy ook hierdie prettige animasie videos gebruik in ‘n erediensreeks of kamp wat oor Paulus gaan.

Besoek die #imagine webtuiste

imaginemovement of volg die youtube kanaal imaginemovementsa om na meer #imagine videos te kyk!

“Ons glo” toep gratis beskikbaar

Ons is opgewonde oor die “onsglo” toep (app) wat saamgestel is deur die Taakspan vir Jeug en Familiebediening in samewerking met Bybelmedia. Die toep fokus op die 5 solas van die gereformeerde teologie en kan gebruik word as deel van die reformasie 500 vieringe.

Dit toep bestaan uit 25 Bybelstudies en saam dink en doen aktiwiteite wat handel oor 25 basiese geloofstemas. Daar is ook by elke tema ‘n aktiwiteit vir gesinne met kinders, ‘n tiener fokus, asook ‘n “delf dieper” gedeelte vir verdere nadenke. Dit kan gebruik word as deel van ‘n preek reeks in gemeentes, vir kleingroepe, vir persoonlike stiltetyd, vir gesinne of vir senior kategese.

Laai die toep gratis af op die google playstore by https://play.google.com/store/apps/details?id=za.co.onsglo

Indien jy nie die toep kan aflaai nie, kan jy ook die webtuiste http://www.onsglo.co.za/ besoek.

Vir meer inligting, “click” op hierdie skakel: ons glo oorsig

Saamwees vir Paasfees Paaspakkie

Maak jou eie Paaspakkie vir jou gesin of gemeente vir die Paasvakansie deur als bymekaar te kry op die lys hieronder. Daar is 17 saam lees, dink en doen Huisgeloofgeleenthede wat jonk en oud kan doen om saam te dink oor Lydenstyd en Paasfees.

Lys van benodighede:

  • Boksies of sakkies om al die kaartjies en voorwerpe van die pakkie in te sit.
  • 1 Uitgedrukte kopie van die “Paaspakkie –template” per pakkie. Verkieslik uitgedruk in kleur en op karton.
    Onthou om jou drukker double sided, flip on short edge te stel voor jy hierdie stukke uitdruk, sodat die regte beskrywing by die regte prentjie is.
    Elke bladsy bevat 4 poskaart grootte kaartjies. Sy elke bladsy dus in kwart om al die kaartjies te kry. Daar is 17 kaartjies, 1 resep, 1 voorblad en 1 lees meer kaartjie.
  • Hier volg ‘n lys van die 17 kaartjies plus wat saam met elke kaartjie gegee kan word. Sit elke kaartjie saam met die bypassende voorwerp in ‘n sakkie om alles netjies en bymekaar te hou.
    1. Lydenstyd: 1 Swartsak
    2. Geheuespeletjie: Dobbelsteen
    3. Feesmaal: 6 Plekmatjies (die dokument “Plekmatjies” kan hiervoor gebruik word)
    4. Lof: ‘n Plakker met die woord “dankbaar” op en stukkies gekleurde karton om op te kan skryf
    5. Onderstebo: 2 Teesakkies
    6. Gereed: 2 Tea lights
    7. Dankie’s: Klippie
    8. Vrae speletjie: Slegs die kaartjie
    9. Belofte: 6 Hakspelde, krale/lint om dit mee te versier
    10. Diensbaar: “Geroep om te dien” plakaat(die dokument “Diensbaar” kan hiervoor gebruik word)
    11. Onthou: ‘n Pakkie gis en die resep op bladsy 9 van die “Paaspakie template” dokument.
    12. Bid: Boksie smarties
    13. Getuig: Bordkryt
    14. Kruisiging: Rooi tou en ‘n spyker
    15. Oomblikke: Slegs die kaartjie
    16. Hoop: Saadjies en ‘n klein potjie
    17. Uitstuur: Goue sterretjies en ‘n inkleur wêreld kaart (die dokument “Wêreldkaart” kan hiervoor gebruik word)
    18. Die Voorblad op bladsy 9 van die “Paaspakie template” dokument kan bo-op die paaspakkie boks/sakkie gesit word.
    19. Delf Dieper opsie: Op bladsy 9 van die “Paaspakie template” dokument is daar ‘n kaartjie getiteld “Delf dieper”. Op die kaartjie word daar verduidelik van die webtuiste/toep “Ons Glo” waar individue/gesinne dieper kan gaan delf oor party van die onderwerpe wat in die Paaspakkie is. Sit gerus die kaartjie onder in die boks.

Vir ‘n hierdie instruksies in PDF formaat “click” hier: Maak jou eie Paaspakkie instruksies

Vir die Paaspakkie templaat “click” hier: Paaspakkie -template (A4)

Vir die Plekmatjies “click” hier: Plekmatjies (A3)

Vir diensbaar plakaat “click” hier: Diensbaar (A3)

Vir die Wêreldkaart “click” hier: Wêreldkaart (A3)

Gerat om jong mense te begelei: Issues

groeipyne-1

OPENING (5 minute):

Gebed  en verwelkoming

Inligting

Die manier hoe Jesus sy dissipels gelei het was om hulle te leer en te lei om ’n nuwe lewenstyl te kweek. Geloof is nie net ’n kopoefening nie, dit is ’n nuwe leefstyl.

Vandag se tieners sit met ’n groot verskeideneid issues wat hulle lewenstyl verstrengel. Daarom moet hierdie issues ook aangespreek word.

Issue:  “an important topic or problem for debate of discussion: personal problems or difficulties.”

Hierdie afdeling wil u as kategeet toerus met inligting sodat u voorbereid sal wees op wat van die hedendaagse issues kan wees in n tiender se lewe en hoe om ’n issue te hanteer.

ONTKNOPING (5 minute):

Laat almal in groepe verdeel (5-10 in ‘n groep) en die volgende vraag bespreek:

Is daar iemand wat al gekonfronteer was met ’n situasie waarin ’n tiener issue gehad het wat hulle onkant gevang het?

Kry terugvoer in die groep en in die grootgroep.

LERING (30 minute):

Video

Kyk die vierde videosnit oor issues.

Hier is ‘n opsomming van die video:

  • Die lewe is soos ‘n legkaart waar elke deel inmekaar en aanmekaar gevelg is, die een staan nie los van die ander nie.
  • As daar ‘n onewewig aan die een onstaan, raak dit al die res en dit is waarom issues mense so kan verlam en maak dat jy voel of jy nie met die lewe kan aangaan tot daardie issue uitgeklaar is nie.
  • Jy as kategeet het ‘n bepaalde kurrikulum om deur te gaan in ‘n jaar met ‘n aantal lesse en sessie wat jy wil afhandel. Dis moontlik om dit als reg te kry en heeltemal die kinders/tieners in jou groep se lewens te mis.
  • Daarom kan jy nie met jou materiaal werk, los van julle issues nie.
  • Daar is hierdie ewige spanning van wat is die tieners se lewens en krisisse en hoe kan ek hierdie inhoud daaraan koppel.
  • Jou rol as kategeet is nie net om deur die materiaal te werk nie, maar om ‘n mentor vir die tiener(s) deur hulle issues te wees soos wat Paulus vir Timoteus was.

Gesprekspunte:

Laat almal in groepe oor die volgende praat en kry terugvoer in die grootgroep.

  1. Watter probleme of issues het die jongmense van vandag?
  2. Hoe sou jy wou hê kan die kerk se mense jou help met jou issues?
  3. Hoe belangrik is vertroulikheid?
  4. Oor watter tipe probleme kan ek nie stilbly nie? Hoe hanteer ek dit?
  5. Hoe het iemand jou al gehelp met jou issues? Vertel jou storie.

AFSLUITING (2 minute):

Gebed

Ons Dierbare Vader,

Daar is ’n groep jongmense wat elke Sondag voor ons sit. Elkeen met hulle eie issues. Here mag hulle weet dat hulle hierdie issues wat hulle lewenswyse verstrengel, nie alleen hoef te hanteer. Mag U die vertrouensband tussen ons en hierdie jongmense seën. Gee hulle die vrymoedigheid om hierdie issues met iemand te kom deel.

Dan wil ons vra Here, seën ons met die krag om elke kind en haar issue met die nodige wysheid en diskresie te hanteer. Sodat ons hulle kan help of kan lei na iemand wat wel kan help. Dankie Here dat ons kan weet U het hierdie kinders vir ons gestuur om meer te werk en dat ons kan vertrou dat die Gees saam met ons in hierdie kinders se geloofsopvoeding werk.

Amen

EKSTRA INLIGTING:

Audio clips

Temas wat op die CD verskyn is:

  1. Aanspreeklikheid
  2. Afstand
  3. Ander se probleme
  4. Jou storie is te hard
  5. Moenie bang wees vir hulp nie
  6. Moenie oordeel nie
  7. Moenie probleme soek nie

Geneem uit: Gerat om jongmense te begelei – Toerusting vir kategete en jeugleiers (Jeugfokus 2012)

 

Bestel die volledige reeks by Bybelmedia 0860 26 33 42, bestel@bmedia.co.za of http://eshop.bybelmedia.org.za/product/gerat-om-jongmense-te-begelei/