paastyd

’n Paar songs vir lydenstyd en Paastyd (wat nie in die Liedboek is nie)

VONKK 277

My eerste voorstel is ’n VONKK song.  Jip, nie ’n Flam song nie, ’n VONKK song.  V277  ‘U is die lig wat deur die donker skyn’.  Die melodie is die Skotse ‘Highland Cathedral’  (geskryf deur Uli Rover en Michael Korb en uitgegee deur die Church Hymnary Trust) en die Afrikaanse teks is deur ds. Hannes van der Merwe geskryf.

As Highland Cathedral nou nie dadelik ’n (kerk)klokkie by jou laat lui nie, gaan soek dit gerus op YouTube – jy gaan meestal ’n klomp doedelsakke kry wat die melodie uit bulk.  OK, ek bely dat ’n doedelsak nou nie juis enige gevoelens van aanbidding by my oproep nie – dalk eerder gevoelens van wraak en moord alla die fliek Braveheart – maar die Highland Cathedral is ’n grootse ‘praise anthem’ wat die moeite werd is om vir jou gemeente aan te leer.

Hoekom ek juis hierdie lied op ’n jeug-platform voorstel is omdat dit ’n great song is wat die band en die orrel sáám kan doen.  “DIE BAND EN DIE ORREL SAAM?!?!?!”

Hierdie lied se refrein vra vir ’n hemelse lawaai (dit is immers geskryf vir doedelsakke) – en nóg die orrel alleen nóg die band alleen gaan die regte volume bereik om reg te laat geskied aan die unieke aard van die lied.

As familie-bediening of intergenerational woorde is wat jou jeugbediening-hart vinniger en warmer laat klop, probeer gerus die lied!  Jy gaan sommer ’n klomp van die anti-band brigade hul woorde laat sluk.

Dis die ideale lied om tydens lydenstyd aan te leer en om op Paassondag jou diens mee af te sluit!

 

F429  As ek dink aan die kruis  (U alleen)

Hierdie lied, geskryf deur die super-talentvolle Riana Nel, help ons om te verstaan dat dit juis ons gebrokenheid was wat die kruisdood nodig gemaak het.  Ek hoef dus nie harder te werk nie, maar kan my net oorgee aan sy genade-hart.

 

F91 U genade vir my is genoeg

Hierdie lied bly vir my een van die greatste Flam songs om tydens lydenstyd te doen.  Dis oorspronklik deur die Nederlandse gospelsanger, Marcel Zimmer, geskryf en dit beskryf die lydenspad van Jesus op die Via Dolorosa, aan die kruis tot by die opstanding se ‘Jesus leef!  Hy het opgestaan!’.

 

Ander ou bekendes wat jy kan probeer:

F12  ‘Meer as ooit’ – die Afrikaanse weergawe van ‘Above all’. 

F207  ‘U het U heerlikheid en eer’  – die Afrikaanse weergawe van You laid aside your majesty

F208  ‘U het nie gewag op my’  – die Afrikaanse weergawe van You did not wait for me

F266  ‘’n Skadu oor my’  – ’n lied wat – as jou band dit regdoen – great met jongmense kan werk.

F268  ‘Verlosser vir my

 

Wat van ’n lied vir lydenstyd vir jou Kinderkerk?

F226 ‘Jesus ek wil vir u dankie sê’  help kinders om te verwoord wat Jesus moes deurgaan.

Saamwees vir Paasfees Paaspakkie

Maak jou eie Paaspakkie vir jou gesin of gemeente vir die Paasvakansie deur als bymekaar te kry op die lys hieronder. Daar is 17 saam lees, dink en doen Huisgeloofgeleenthede wat jonk en oud kan doen om saam te dink oor Lydenstyd en Paasfees.

Lys van benodighede:

  • Boksies of sakkies om al die kaartjies en voorwerpe van die pakkie in te sit.
  • 1 Uitgedrukte kopie van die “Paaspakkie –template” per pakkie. Verkieslik uitgedruk in kleur en op karton.
    Onthou om jou drukker double sided, flip on short edge te stel voor jy hierdie stukke uitdruk, sodat die regte beskrywing by die regte prentjie is.
    Elke bladsy bevat 4 poskaart grootte kaartjies. Sy elke bladsy dus in kwart om al die kaartjies te kry. Daar is 17 kaartjies, 1 resep, 1 voorblad en 1 lees meer kaartjie.
  • Hier volg ‘n lys van die 17 kaartjies plus wat saam met elke kaartjie gegee kan word. Sit elke kaartjie saam met die bypassende voorwerp in ‘n sakkie om alles netjies en bymekaar te hou.
    1. Lydenstyd: 1 Swartsak
    2. Geheuespeletjie: Dobbelsteen
    3. Feesmaal: 6 Plekmatjies (die dokument “Plekmatjies” kan hiervoor gebruik word)
    4. Lof: ‘n Plakker met die woord “dankbaar” op en stukkies gekleurde karton om op te kan skryf
    5. Onderstebo: 2 Teesakkies
    6. Gereed: 2 Tea lights
    7. Dankie’s: Klippie
    8. Vrae speletjie: Slegs die kaartjie
    9. Belofte: 6 Hakspelde, krale/lint om dit mee te versier
    10. Diensbaar: “Geroep om te dien” plakaat(die dokument “Diensbaar” kan hiervoor gebruik word)
    11. Onthou: ‘n Pakkie gis en die resep op bladsy 9 van die “Paaspakie template” dokument.
    12. Bid: Boksie smarties
    13. Getuig: Bordkryt
    14. Kruisiging: Rooi tou en ‘n spyker
    15. Oomblikke: Slegs die kaartjie
    16. Hoop: Saadjies en ‘n klein potjie
    17. Uitstuur: Goue sterretjies en ‘n inkleur wêreld kaart (die dokument “Wêreldkaart” kan hiervoor gebruik word)
    18. Die Voorblad op bladsy 9 van die “Paaspakie template” dokument kan bo-op die paaspakkie boks/sakkie gesit word.
    19. Delf Dieper opsie: Op bladsy 9 van die “Paaspakie template” dokument is daar ‘n kaartjie getiteld “Delf dieper”. Op die kaartjie word daar verduidelik van die webtuiste/toep “Ons Glo” waar individue/gesinne dieper kan gaan delf oor party van die onderwerpe wat in die Paaspakkie is. Sit gerus die kaartjie onder in die boks.

Vir ‘n hierdie instruksies in PDF formaat “click” hier: Maak jou eie Paaspakkie instruksies

Vir die Paaspakkie templaat “click” hier: Paaspakkie -template (A4)

Vir die Plekmatjies “click” hier: Plekmatjies (A3)

Vir diensbaar plakaat “click” hier: Diensbaar (A3)

Vir die Wêreldkaart “click” hier: Wêreldkaart (A3)