stemme

10 wenke om jong volwassenes te betrek by eredienste

Hierdie is ’n uitdaging wat by jul eredienskomissie (of beplanningsgroep) gebruik kan word om volhoubaar nuut te dink oor die insluiting van jong volwassenes by jul eredienste:

  1. Nooi jong volwassenes om op die erediens kommissie te dien.
  2. Laat ’n jong volwassene die erediens begin met gebed. Of laat jongvolwassenes gebede voorlees of voorbidding vir bepaalde sake doen.
  3. Laat ’n jong volwassene die Bybelteks vir die erediens lees.
  4. Vra 5 jong volwassenes vir liturgie idees, voorbeelde, stories, musiek of fotos wat by die tema van jou volgende preek pas end gebruik kan word in die erediens.
  5. Kry ’n jong volwassene om die liedere te kies vir die erediens of om die sang te lei.
  6. Laat jong volwassenes die nagmaal tekens uitdeel.
  7. Laat ’ n jong volwassene die afkondigings hanteer.
  8. Kies jong volwassenes om mense by die kerk te verwelkom.
  9. Kies 5 jong volwassenes om tydens ’n erediens hul ervarings van daardie diens neer te skryf en dit daarna met jou / mekaar te deel.
  10. Vra ‘n jong volwassene om vanuit sy/haar leefwêreld ‘n getuienis ted eel wat by die tema van die diens aansluit.

Hierdie wenke is saamgestel deur Etienne Snyman as deel van die Jong Volwasse Leer Gemeenskap se nadenke.

Huisgeloof en die senior lidmaat

Hoekom senior lidmate betrek by huisgeloof?

Huisgeloof is nie net ‘n kinder- of gesinsbediening program nie, maar ʼn manier om kerk te doen.  Ons eerste gedagte aan huisgeloof is hoe ons ouers kan help om geloofsvorming by die huis te kan doen, maar geloofsvorming is ʼn lewenslange proses wat alle ouderdomme insluit.

(more…)

Hoe kan ‘n gemeente ‘n familie raak? (deel 2)

Nog gespreksnotas van die Familie Netwerk byeenkoms gehou op 19 Julie 2018 aan die hand van ‘n hoofstuk “Congregations as Family” in die boek “Passing on the Faith. A Radical New Model For Youth and Family Ministry” deur Merton P. Strommen en Richard A. Hardel. 

“Gemeentes het nie bloot ‘n “familiebediening” nie, maar ís ook in geheel ‘n familiebediening”.

Hierdie was die onderwerp van die onlangse Familie Netwerk gesprek. Dié gesprek het daartoe gelei dat ons besef het dat gemeentes nuut moet dink oor hoe hulle ruimtes, atmosfeer en geleenthede ingerig word sodat almal deel kan voel van die gemeente as groter familie.  Dikwels word kinders slegs verdra in die erediens, eerder as wat die erediens ook aan hulle behoort. Maar waar begin ‘n mens die kultuur in ‘n gemeente skuif?

Ons voorstel is dat jy ‘n gespreksgeleentheid met die Kerkraad of met leiers van die gemeente reël en die volgende vrae vra:

(more…)

Hoe kan ‘n gemeente ‘n familie raak (deel 1)

Gespreksnotas (deel 1) van die Familie Netwerk byeenkoms gehou op 19 Julie 2018 aan die hand van ‘n hoofstuk “Congregations as Family” in die boek “Passing on the Faith. A Radical New Model For Youth and Family Ministry” deur Merton P. Strommen en Richard A. Hardel.

 Is familiebediening ‘n afdeling van gemeente-wees of is ‘n gemeente een groot familie?

Familiebediening is beide‘n afdeling van gemeente-wees én die gemeente is ook een groot familie. Daarom beteken familiebediening dat ons twee dinge doen:

(more…)

Die binnewêreld van ‘n kind

Toegerus vir die Toekoms

Kinders as leë houers of klei?

Kinders is nie leë houers waarin ons soveel as moontlik moet gooi nie. Ons kan nie bloot kennis aflaai op kinders en hulle “vul” nie. Hulle is eerder klei wat oor tyd gevorm word. Ons moet eerder daarop fokus om tyd saam met hulle te spandeer en hulle te begelei deur hulle ervarings. Die belangrikste is dat ons verstaan dat hulle van die begin af volledig mens is met volle menswaardigheid. Hulle is nie met ‘n junior weergawe van die Heilige Gees gebore nie. Ons kan dus baie by hulle leer of saam met hulle leer, en nie net vir hulle leer nie.

(more…)

Hoe maak ons ‘n verskil in skole?

Toegerus vir die Toekoms

Inleidend:

Kinders wat blootstelling aan die evangelie kry in die skool konteks het ‘n

  • 39% laer kans vir risiko gedrag
  • 59% hoër waarskynlikheid om om te gee vir ander
  • 59% positiewer verhoudings met ander

Daar is ongeveer 56 000 kerke end 26 000 skole in die land. Dit is dus heel haalbaar moontlik dat kerke ‘n impak kan maak op jongmense se vorming in die skool konteks. Daarom moet ons aanhou planne maak hoe ons as gelowige ouers en gemeente betrokke kan wees by skole. (more…)

Kinders hou ‘n tee vir bejaardes

Liezl Williams, kinderwerker by Wellington Moederkerk, vertel wat gebeur het einde 2016 in hul gemeente:

Ons Kinderkerk het besluit om ‘n spesiale oggend saam met die ouetehuis & bejaarde instansies van ons dorp te reel.

Die saamkuier van oud en jonk was belangrik, die neem van verantwoordelikheid en uitreik na mense wat dit nodig het.

Daar is plakkate gemaak en ons het van ons Kinderkerk meisies gebruik as gasvrouens vir ‘n tafel van 10. Hulle moes die tafel self dek en mooi maak en sorg dat die oumas en oupas gemaklik is en tee en ‘n eetdingetjie het. Hulle het hul rol omtrent ernstig opgeneem . Dit was te dierbaar om te sien hoe smeer hul skons vir die ou mensies!

Ons het uit die gemeente gevra vir donasies vir die bak van skons en dit het weer gelei daarna dat ons die gemeente betrek het.

Kinders het gesing en gediggies wat hul self gekies het, voorgedra tydens die oggend

Dit was ‘n lieflike samekoms vir oud en jonk. Die kinders het dit vreeslik geniet om gasvrouens te wees en hulle het die mammas letterlik weggejaag omdat hul dit self wil doen. Vir die bejaarde persone was dit net so lekker om drukkies te kry. Ons het besluit dat dit beslis ‘n jaarlikse instelling op ons kalender sal word.

 

Dinkjeug skryf: Hierdie is ‘n wonderlike en praktiese idee om verskillende generasies bymekaar uit te bring. Dit is ook ‘n goeie idee vir ‘n diensgeleentheid vir die laerskool kategese, of vir ‘n lentedag geleentheid of vir ‘n jaarafsluiting.

Skole bediening energie gesprek – waarnemings en leidrade vir die pad vorentoe

www-gazillionthanks-com-8Op 4 Augustus 2016 het ‘n groep jeugwerkers en predikante by Communitas op Stellenbosch byeengekom om te gesels oor skole bediening. Daar is geluister na mekaar se stories asook gesels met organisasie wat reeds betrokke is in skole.

Organisasies mee gesels:

VCSV David Nefdt

Gateway telefoon konferensie Willie Roos

Kohin Elize

FutureNow Gert van der Merwe

Scripture union Mark Krastin

Ander projekte:

  • Jana Dickason – “detensie bediening” in Durbanville Hoërskool
  • Anton Duvenhage – sportbediening Hermanus
  • Vicus Kruger – Bellville skole jeugmentors
  • #imagine opvolg materiaal (boekie plus flashdrive vol ekstras. Ook aanlyn beskikbaar) – ideaal vir hoërskole of koshuise
  • #imagine kidz – geleentheid vir verskeie kerke/skole om saam te werk aan ‘n vakansie program wat by skole of nasorge of kerke aangebied kan word.
  • KIX materiaal vir laerskole / crèches / nasorge (kixkinders.co.za). Dit bestaan uit 7 ontmoetings per kwartaal en werk kronologies deur die Bybel. Gedrukte nuusbriewe kan bestel word of die ouer materiaal kan aanlyn gratis afgelaao word.
  • Reach for life – jy kan toegang kry in skole deur VIGS prevention en Reach for Life. Die Bybelstudies is makliker, hou die hele jaar (40) en bevat ook seksualiteit en vigs goed binne in die Bybel. Jy kan R21 drukkoste betaal of `n program hê en dan gaan soek hulle `n borg vir jou.
  • Manie Botha – heymanie.co.za HeiLead is sy skoolprogram. R150 vir die dvd en boekie en R20 per boekie. Leierskapsontwikkeling in skole.

Wat het die groep gehoor? Enkele opmerkings deur die groep

Die kontekste van elke gemeente en gemeenskap is baie divers – dit kort fyn luister om te hoor wat van toepassing is op my eie konteks.

Verhoudingsbou met onderwysers is baie belangrik omdat hulle hoofsaaklik die rolspelers is.

Daar is baie strategieë en modelle – begin egter eers by die vraag oor hoe jou konteks lyk.

Dit was positief om te hoor dat daar ander mense is wat sukkel met skole bediening.

Dit was ook positief om te hoor van ander  / nuwe vorms van die bediening – om vars te kan dink.

Skole projek van Bellville was baie interessant

Waarde gedrewe program is ‘n moontlike opsie om te ondersoek

Diversiteit is ‘n geleentheid om by mekaar te leer.

Ons het ‘n ruimte nodig om te “share” en mekaar se stories te hoor.

Ons het ‘n forum nodig vir netwerk en gesprek. Dit was baie waardevol om saam te kuier en so te leer.

Hoe kan ons brûe bou met die ouer predikante sodat hulle ook nuut dink oor skole bediening? Dalk ‘n forum skep met ouer en jonger kollegas wat saamgesels.

Vandag gehoor netwerke is baie belangrik (skool, kerk maar ook met ander denominasies en gemeentes).

Dit is lekker om te hoor dat daar is ook ander  kerke met uitdagings, maar dat daar ook verskillende kreatiewe maniere is om die kinders te bedien.

Opnuut besef die belangrikheid van verhoudings en koffie! En die belangrikheid van “facetime” in die proses.

Ons het gehoor dat daar verskillende sub-kulture in ‘n skool is.

Die kinders wat baie besig is, is ‘n realiteit.

Daar is soms baie gemeentes of denominasies wat in kompetisie is.

Ek het opnuut onthou die belangrikheid om self met tieners te praat.

Dis ‘n wanpersepsie dat godsdiens nie in skole mag wees nie of dat daar ‘n wet daarteen is.

Die brugbou en samewerking tussen denominasies is noodsaaklik.

Ons gaan moet werk aan ons samewerking met ander denominasies, veral charismatiese kerke.

Ons moet kyk na beleidsdokumente vir samewerking.

Daar is ‘n groot geleentheid by nasorg as ‘n bedieningspunt.

Ek het gehoor daar is ander maniere om by skole betrokke te raak byvoorbeeld die detensie bediening of stiltetye in die koshuis.

Leidrade vir die pad vorentoe:

Ons moet beslis kyk na ‘n “waarde projek” vir skole.

Ons kan meer navorsing doen oor verskillende kontekste.

Ons moet ook die konteks van armer skole deurdink.

Ons kan die verskillende modelle vergelyk … bv jeugwerker, gateway model ens en dan kommunikeer hoe dit werk.

Ons kan riglyn saamstel vir skole oor doe samewerking tussen denominasies

Ons kan Hub-sisteem deurdink waar ‘n paar kerke vir ‘n bepaalde skool / skole saam verantwoordelikheid neem.

Artikel samegestel deur Anriëtte de Ridder

Skole: Hoe vat ons hande en met wie?

www-gazillionthanks-com-1Nicola Alberts skryf oor die gesprek oor skole bediening:

Godsdiens word nie tans uit die skool uit gedryf nie, maar daar moet opgelet word dat die wet gelyke regte eis vir alle gelowe en dat godsdiensbeoefening nie die minimum skooldag se ure of inhoud beïnvloed nie.

Die veranderende wêreld van die leerder het `n invloed op ons bediening van hulle, byvoorbeeld sosiale media, ‘n kultuur van alles bevraagteken, kritiese denkers, diversiteit, ekonomiese omstandighede (baie kinders kan nie kampe bywoon nie) en die verkrummeling van familiestrukture.

Die groot vraag is hoe vat ons hande en met wie?

Die kerk en skool moet in dieselfde rigting probeer beweeg. ‘n Waardesisteem vir skole kan hiermee help. met ‘n program wat hierby aansluit. Alle gelowe kan hierby baat vind. Sekere skole doen dit reeds en kies per kwartaal ‘n kleur wat die waarde simboliseer of ‘n dier met sekere eienskappe.

As daar net een kerk in `n skool verteenwoordig word, veroorsaak dit wrywing, veral as daardie kerk sy dogma op kinders van ander kerke probeer afdwing. Dit is dus ook belangrik dat verskillende kerke saamwerk (mbv ‘n beleidsdokument).

Stories uit gemeentes:

In ‘n gesprek oor skole bediening gehou deur die Taakspan vir Jeug en Familiebediening van die Wes Kaap Sinode (4 Augustus 2016) het jeugwerkers en –leraars stories gedeel van hoe hulle skole in hulle konteks benader….

Stellenberg Gemeente het genoem dat samewerking tussen denominasies tans ‘n uitdaging is. Veral omdat ‘n sekere denominasies sterk voorskrifte het wat hulle in die skool propageer. Die skool se christen vereniging is egter interkerklik en vermy om te praat oor sekere onderwerpe nie (soos doop) t.w.v. die verhoudings. Daar is onderwysers wat vir hierdie vereniging verantwoordelik is en die gemeentes moet betrek. ‘n Beleidsdokument sal baie help in hierdie konteks.

Wellington Moeder gemeente het ‘n jeugleraar aangestel wat ook  `n kantoor by die skool het en 2 dae van `n week voldag by die skool is vir pastorale gesprekke met kinders. Hy bly ook by die koshuis. Graad 11’s en 12’s is kringleiers vir kleingroepe en daar is ‘n toerusting sessie vir hulle een keer per week. Toewyding van leerders is egter soms uitdagend. Daar is ook ‘n weeklikse VCSV byeenkoms na skool saans. Die beleid van die skool is dat geen ander skool aktiwiteite in daardie tyd gereël mag word, maar in werklikheid hou al die onderwysers nie daarby nie. Die selgroep en praise & worship in die koshuis elke tweede week werk goed, solank ‘n mens net deurgaans bewus bly van die ritmes van die skool.

Stellenbosch Moedergemeente het ‘n jeugwerker aangestel wat ook verantwoordelik is vir skole bediening. Hy probeer om die verhoudings tussen die denominasies te verbeter wat voorheen ‘n groot uitdaging was. Dit is baie belangrik om ook goeie verhoudings met die onderwyser/s te hê. Ondersteun ander gemeentes se jeugaande en drink koffie met die ander jeugleiers op die dorp.

In Riviersonderend gemeente verteenwoordig die skole op die dorp glad nie die gemeente se kinders nie. Die meeste kinders in die gemeente is in privaatskole of in koshuise in Caledon. Onderwysers met `n passie vir kerkwees is baie belangrik en daarom is een manier waarop ‘n gemeente skole kan bedien om onderwysers wat lidmate is te ondersteun.  Daar is “koshuisgodsdiens” in die plaaslike koshuis vir ‘n halfuur elke week. Die uitdaging is dat die kinders in die koshuise tussen graad 1 en 6 is. Skole bediening op ‘n klein plattelandse dorp is baie missionaal, omdat daar so min kinders van jou eie gemeente. Dit is belangrik om ook die leiers van die skool (leerlingraad en ander) te ontwikkel en op só ‘n manier die skool te bedien.

Ander gemeentes vertel van hoe hul jeugwerkers betrokke is by byvoorbeeld sportafrigting. Ander ondersteun weer die skole se CSV of die onderwyser wat daarvoor verantwoordelik is. Waar daar ‘n jeugwerker in ‘n skool geplaas kan word is daar baie groter kans vir verhoudingsbou en pastoraat. Bedienings moet egter meestal interkerklik gebeur. Een gemeente het ook ‘n projek waar hul kinders help met huiswerk en ‘n ander vertel weer van ‘n waarde-gedrewe kampe wat hul aanbied vir die skool.

Skole bediening gaan minder oor ‘n spesifieke gemeente en baie meer oor samewerking ter wille van die koninkryk! 

Nicola Alberts is verantwoordelik vir jeugwerk by die Hottentots-Holland Familiekerk in Somerset Wes. Sy het hierdie artikel geskryf na aanleiding van ‘n gesprek oor skole bediening gehou op 4 Augustus 2016 in Stellenbosch. Die gesprek is gereël deur die Taakspan vir Familie en Jeug bediening van die Wes Kaap Sinode.

 

 

Wêreldonderwysersdag Oktober jaarliks

dinkjeug-cartoon27UNESCO (United Nations Educational, Scientific and Cultural Organization) het 5 Oktober as jaarlikse Wêreldonderwysersdag verklaar.
Hierdie dag is ‘n besondere poging tot bewusmaking, begrip en waardering vir die onmisbare bydrae wat onderwysers wêreldwyd ten opsigte van opvoeding en ontwikkeling lewer. Enigeen wat net ‘n effense mate van insig in onderwysers se program en verantwoordelikhede het, sal hardop en met oorgawe wil sê: “Hoor, hoor!”
Wanneer laas het jy vir die onderwysers in jou gemeente/gemeenskap gebid? Dalk is ‘n oproep en woord van waardering net wat hulle nodig het om die laaste kwartaal van die jaar met nuwe moed en geloof aan te pak. Meneer en Juffrou, ons salueer julle vir elke ekstra myl wat julle loop. Mag die Here julle seën met wysheid en onderskeidingsvermoë om elke dag aan te hou om ‘n verskil te maak.
As jy jou hiermee vereenselwig, lees die Federasie van Beheerliggame van Suid-Afrikaanse Skole (FEDSAS) se mediaverklaring ter ondersteuning van die projek.

#Imagine koffie 13 Okt 2016

imagine-koffie-info

SAVE THE DATE

Ons wil jou graag nooi om saam met ons te dink en beplan aan volgende jaar se Imagine 2017 byeenkoms vanaf 18 – 20 Maart 2017.

Ons nooi jou uit om lekker saam te kom koffie drink  Donderdag 13 Oktober 14:30 en te gesels oor hoe dit volgende jaar kan lyk en jou idees te deel.

R.S.V.P:

Anriette de Ridder

083 490 0602

Strategie vir jeugbediening

anriette-de-ridder-moderamen-jeug-gesprekDs Anriëtte de Ridder (PSD: Jeug en Familiebediening)  gesels tydens die Moderamenvergadering (Augustus 2016) in die Wes Kaap oor die strategie vir Jeugbediening – vanuit die Diensgroep vir Gemeentebegeleiding. Sekere vrae word as deel van hulle navorsing gebruik.

Geloof word met ‘n tafel vergelyk – die vier bene is verhoudinge, aksie, aanbidding en kennis. Dieselfde as oor jare, maar ANDERS – want die konteks waarin ons jeug leef, is totaal anders. Anriëtte se interessante styl van aanbieding skep ruimte vir goeie interaksie, sodat die lede van die moderamen kan opstaan en hulle gedagtes oor vraag 1 “Hoe leer jy kosmaak?” met mekaar kan deel.

Onder verskyn die voorlegging wat Anriëtte gemaak het.  Dit kan in gemeentes en tydens ringsittings nuttig aangewend word.

Anthonette Bridge: Ontmoet vir Huh en Ah-ha

jeugwerkersmosselbaaiGESPREK MET ANTHONETTE BRIDGE – JEUGWERKER – MOSSELBAAI AGS

Anthonette Bridge vertel dat die kinderbediening in die gemeente waar sy werksaam is, plaasvind tydens die twee oggend eredienste (dit word herhaal). Daar is eers ‘n groot groep byeenkoms vir Voorskool tot 6 saam en daarna is daar ‘n toepassing,aktiwiteit en omgee wat in klein groepies plaasvind. Sy ontwikkel die materiaal vir die lesse, sodat die temas aansluit by die preek reekse van die volwassenes. Dit is ‘n uitdaging om dit volhoubaar te doen, want dit neem baie tyd en dit verg baie kreatiwiteit om die temas steeds relevant en eenvoudig vir kinders te hou.

Haar groot uitdaging is dat Voorskool tot Graad 6 in een groep sit en dat die boodskap dus vir ‘n breë groep verstaanbaar en van toepassing moet wees. Hulle het egter ‘n kreatiewe oplossing gevind: sy en een van hul pastore trek aan soos twee karaktertjies en dra die boodskap oor deur middel van ‘n rollespel.. Sy sê hierdie twee karaktertjies het eintlik maar net spontaan ontwikkel.  Die twee karaktertjies se name is “Huh” en “Aha”. “Huh” is die “dom” karaktertjie met ʼn pienk pruik op, wat altyd die vrae vra en “Kaptein Aha” is weer die een wat verduidelik en meer antwoorde gee.

Sy vind dat die kleiner kinders veral met “Huh” se karakter identifiseer, terwyl die ouer kinders met “Aha” identifiseer, maar eintlik geniet almal die twee se manewales. Sy vind dat hierdie deurlopende karakters help ook om die weke se temas aan mekaar te verbind vir kontinuïteit.

DINKJEUG vra:

  • Is daar nog gemeentes wat met “karakters” werk in kinderbediening?
  • Is daar nog gemeentes wat deurlopend materiaal ontwikkel wat by die groter gemeente se preek temas aansluit?

 

Laat weet ons, sodat ons kan saamdink en deel.

Brian O’Connel speaks on “Education and a future of our youth”

winterskool-brian-oconnelO’Connel is the Head of the Western Cape Department of Education and he was one of the keynote speakers at this year’s Winter School in Stellenbosch.

O’Conner started off with painting a picture of the future of the earth and it shocked the audience. He explained why climate changes are creating a major crisis and challenge for us. By 2025 there will be serious energy, water, food shortages, especially in South Africa.

His point was that this generation’s leaders are challenged to solve this problem. We need to influence the future. But in order to do this we must be talking about the right (important) things and we must be willing to change our way of thinking. We need to try make sense of the statistics and respond to it timeously. We need to start by changing the culture and the conversation. The church can play an important role in this.

The question that this talk left me with, was why am I not really thinking about climate change and the future? And why is this topic so seldom discussed in the church?

Abigail Hopley on the “selfie generation”

winterskool-abigail-hopleyAnriëtte de Ridder

Abigail Hopley was one of the session speakers at this year’s winter school in Stellenbosch. She started off by quoting the statistics of young people leaving the church as well as the reasons for it, from the book “You lost me” by David Kinnaman. She also showed a video clip of David Kinnaman where he requests that we engage in a conversation with young adults who have left the church.

She also described how social media influences the identity of the youth and explained why we it is important that we think about identity and social media when we work with the youth.

Abigail helped me remember that social media and media influences are not just a tool to reach young people but fundamentally changes the way the youth act, feel and think today.

Anita Cloete: youth culture

winterskool-anita-cloeteDr Anita Cloete

Dr Anita Cloete was a session speaker at this years Winter School in Stellenbosch. She started off by reframing the topic. The question according to her, is not “how can we make the youth feel at home in church? but rather, “What can we learn from young people about what church is?”.

She made 2 main points:

  • Youth are not a homogenous group

 

The church should be and look diverse if it wants to include and serve a diverse youth. She asked the question how we can practically become more diverse and including and she made some suggestions.

  • Teenagers live in a time of transition…

 

She also explained that teenage life is a good metaphor for the church. As teenagers are living in a time of transition, the church should also live in a a place of transition (change, movement, and not knowing everything, questioning, etc.) We are embodying something of the kingdom but we are also pointing to the Coming Kingdom.

Dr Cloete reminded me that we cannot generalize when speaking about the youth. There are many sub-cultures. After her talk I am left with the question – how well do I know the youth in my community?