uitreik

Wat moet ons met ‘n kategesegroep uitreik onthou?

Praktiese wenke om uitreik ‘n sinvolle belewenis te maak

Praktiese uitlewing van diensbaarheid is een van die kragtigste maniere om geloof by jongmense te vorm. Dit is ook ‘n opdrag van Jesus om ‘n verskil te maak. Maar waar begin jy nadat jy besluit het om saam met jou kategesegroep uit te reik of om ‘n diensprojek saam aan te pak?

Voorbereiding

  • Begin deur saam te bid en vra dat God Drie-Enig teenwoordig sal wees. Laat die Heilige Gees julle lei wanneer julle na die gemeenskap uitreik.
  • Soek ‘n diensorganisasie of bestaande projek wat jul kan besoek of ondersteun.
  • Maak kontak met ‘n gemeente in die gemeenskap wat jul wil besoek asook die plaaslike owerhede, maatskaplike werker en gemeenskapsleiers.
  • Verstaan God se hart en plan vir die uitreik of diensprojek.
  • Maak tyd om die behoeftes en die konteks te verstaan waarheen julle gaan.
  • Moenie net goed uitdeel of ‘n program aanbied nie. Doen eers julle huiswerk om uit te vind wat reeds gebeur en hoe julle van hulp kan wees.
  • Tree met respek op teenoor alle mense en ander kerke en organisasies.
  • Indien jul na mense van ‘n ander kultuur, taal of godsdiens gaan, doen deeglik navorsing en gesels met mense wat dit reeds gedoen het.
  • Netwerk en werk saam met bestaande diensorganisasies, NPO’s of gemeentes in die omgewing.
  • Wees passievol en diensgerig.
  • Wees voorbereid en toegerus.
  • Rig ouers in van al die reëlings en kry toestemming vir minderjariges om saam te gaan. Nooi hulle uit om betrokke te wees deur self saam te gaan of om met voorbereidings of gebed behulpsaam te wees.
  • Onthou om na die tyd te reflekteer oor elkeen se ervaring en hoe dit sy/haar geloof gevorm het.

Praktiese wenke tydens die uitreik

  • Moenie uitlokkend wees of aandag probeer trek ten opsigte van kleredrag, taalgebruik of optredes nie. Respekteer die plaaslike kultuur en gebruike. Trek eenvoudig aan en los selfone, kameras, juwele ens. eerder tuis.
  • Moenie die idee gee dat jy mense bejammer of meerderwaardig is nie. Sien elke mens se waarde raak en stel opreg belang in hulle.
  • Pasop vir te veel fisiese kontak. Wees bewus en praat vooraf oor wat aanvaarbaar is en wat nie.
  • Moenie fokus op eie belang of lui, afbrekend en ongedissiplineerd optree nie. Praat in die groep oor wat dit behels.
  • Moenie enige rassistiese of neerhalende opmerkings maak nie.
  • Moenie beloftes maak nie.
  • Moenie sekere mense of kinders voortrek nie.
  • Moenie alleen of op afgeleë plekke met kinders werk nie. Werk in klein groepies en wees altyd sigbaar.
  • Wees ferm en ken jou grense. Moenie dat enige persoon jou onder druk plaas of ongemaklik laat voel nie.
  • Luister na mense se stories, leer ken hulle name en probeer om jou in hulle skoene te plaas.
  • Onderskei waar God reeds aan die werk is en wys dit vir mense uit.
  • Help mense met dit waarmee hulle reeds besig is, sodat julle hulle inisiatiewe versterk eerder as om jul eie projekte aan te pak wat nie volhoubaar is nie.
  • Verwys situasies of persone wat hulp benodig na die regte plekke.
  • Wees bewus daarvan dat dit ontwrigtend is om grense oor te steek. Praat daaroor sodat dit ‘n geleentheid van groei kan wees.

Onthou: tydens ‘n uitreik moet God ALTYD verheerlik word en mense se waarde bevestig word deur dit wat jul sê, doen en julle gesindheid. Op dié wyse word die evangelie van hoop gedeel. Om pret te hê en vriendelik te wees steek grense oor en só word vriendskappe gebou en vertroue gevestig.

 

Geskryf deur ds Anriëtte de Ridder (Predikant in Sinodale diens vir Jeug en Familiebediening van die Wes-Kaapland Sinode).

 

Taizé in Kaapstad

25 – 29 September 2019

‘n Ekumeniese byeenkoms in Kaapstad vir jongmense tussen die ouderdom van 18-35 jaar oud om egte gemeenskap te bou en om hul hoop in Christus te versterk. ‘n Deel van die program is gesamentlike, multitalige aanbidding asook werkswinkels oor hoe om ‘n verskil in die wêreld te maak. Gemeentes wat 45 min of minder vanaf Kaapstad middestad geleë is, kan as gasgemeentes aanmeld om jongmense te huisves en ook blootstelling aan hulle eie gemeente en projekte te gee.

Meer inligting by capetown@taize.fr of https://www.taize.fr/en_article23846.html

Klik hier om die pamlet af te laai.

 

DIEN SAAM

DIEN SAAM - Hoe kan geleenthede skep waar alle generasies (ouderdomme) saam kan dien? (Gedagtes oor inter-generasionele bediening deel 2) 
Anriëtte de Ridder

Hierdie is deel van ‘n reeks artikels geskryf na aanleiding van die Familie Netwerk gesprek gehou in November 2017 met John Roberto se artikel “Becoming Intentionally Intergenerational” as agtergrond.

Diensbaarheid

Hoe kan diensgeleenthede werklik alle generasies (ouderdomme) saam betrek eerder as wat groepe net apart diensbaar is?

 Beginsels om te onthou

  • Diensbaarheid behels diensbare dade maar ook om dinge eenvoudige saam te doen.
  • Dis makliker om “doen dinge” inter-generasioneel aan te pak as enige ander tipe aktiwiteit of byeenkoms bv leer geleentheid of aanbidding geleentheid.
  • Diversiteit van opsies vir mense is belangrik.
  • “Doen dinge” kan ook avontuur geleenthede insluit waar jy uit jou gemaksone verkeer.
  • Diensbare dade kan ook pret wees vir alle ouderdomme.
  • Wanneer mense van verskillende ouderdomme saam dinge doen of saam diensbaar is, word ervarings gedeel – ervaringsleer beginsels geld dus hier.
  • “Mentoring” is belangrik – mense wat iets reeds gedoen het kan gee raad of help lei.
  • Daar is min geleenthede in die kerk (buiten basaar en eredienste) vir volwassenes om ook saam met ander volwassenes van verskillende ouderdomme iets saam te doen. Diens geleenthede help om sulke platforms te skep.
  • Toerusting vir diens en uitreik is belangrik sodat almal weet wat om te verwag en toegerus is vir dit wat van hulle verwag word.
  • Kinders en ouer mense kan bymekaar leer.
  • Dit is in meeste gemeentes vir gesinne ‘n uitdaging om ‘n geleenthede te vind waar hulle iewers saam kan uitreik, diensbaar wees of ‘n verskil kan maak – gemeentes moet intensioneel sulke saam-dien geleenthede skep.
  • Dit is ook ‘n uitdaging om ruimtes te skep waar gesinne uit verskillende ekonomiese agtergronde met mekaar kan “connect” – ons kan meer hieroor dink en meer intensioneel hieroor wees sodat “diens” nie altyd net eenrigting noodverligting is nie.

Stories

‘n Predikant vertel van gesinne (of kinders saam met ander volwassenes) wat saam uitreik na straatmense met die doel om omgee gesprekke met hulle te hê. By een so ‘n geleentheid het ‘n oupa en kleinseun saam dit gedoen en dit het baie vir hulle beteken om só ‘n ervaring te deel.

Een gemeente gee gesprek kaartjies vir tieners wat die ouetehuis besoek. Kaartjies het eenvoudige kenmekaar vrae op soos “Waar het jy groot geword?”, Watter stories hou jy van?” ens. hierdie vrae help die gesprekke om makliker te vloei. Hul ervaar dat tieners en bejaardes só met mekaar connect dat hulle aan die einde spontaan nommers uit ruil of reël vir ‘n opvolg besoek.

Een persoon vertel van die “Laserus projek – ek hoop / glo / vertrou” waar hulle maandeliks kos aanry na 16 gesinne in die gemeente en kinders saamneem wanneer hulle dit doen.

Een predikant vertel van jongmense wat sy saamgeneem het na ‘n ouetehuis om daar musiek te maak. Dit was ‘n nie-bedreigende manier van konneksie maak met hulle.

Een gemeente hou een maal ‘n jaar n familie Steak ete waar mense eet en verskillende ouderdomme saam skottelgoed was aan die einde.

Iemand vertel van die Embrace projek waar ‘n swanger ma en ouer ma aan mekaar verbind word om saam ‘n pad te stap.

Die Echo huise se saameet geleenthede bring verskillende ouderdomme en ekonomiese groepe bymekaar vir saam eet, kuier asook diens doen.

Nog ‘n storie word vertel van ‘n ete wat gereël is deur ‘n gemeente, waar tieners die bediening gedoen het en mense vanaf die straat genooi is vir ‘n heerlike bederf. Die mense het straatmense, karwagte en werkloses ingesluit.

Nog ‘n storie is vertel van ‘n tiener wat spontaan met die straatmense in sy omgewing connect. Hy ken hulle elkeen se naam en storie, nooi hul kerk toe en gee om vir hulle. Sy storie het ander (ook ouer) persone aangeraak.

Nog Idees

  • Vier (almal saam) dit wat reeds gedoen word in die gemeente in byvoorbeeld die erediens.
  • Sê dankie vir mense wat leiers is in die gemeente of mense wat deurlopend diensbaar is – mense word só aan mekaar verbind en/of sien wat die ander ouderdomsgroepe mee besig is.
  • Hulp by die nagmaal – laat tieners en volwassenes saam help met nagmaal voorbereiding.
  • Gee vir gesinne diensbeurte saam bv. kollekte, nagmaal voorberei of uitdeel, verwelkoming by die deure ensovoorts.
  • Die lof en aanbiddings groep kan uit verskillende generasie musikante en sangers saamgestel word.
  • Gee vir 2 mense in verskillende ouderdomme saam ‘n taak of verantwoordelikheid byvoorbeeld om kategese te lei of ‘n uitreik te reël.
  • Laat jonk en oud saam bedien bv. by die teetuin of deur te verwelkom by die erediens.
  • Tieners kan saam met grootmense die speletjies aanbied by die basaar of saam potjiekos maak.

Lees gerus die hele artikel van John Roberto by http://www.intergenerationalfaith.com/uploads/5/1/6/4/5164069/becoming_intentionally_intergenerational_-_roberto.pdf

 

___________________________________________________________________________

 

 

Hoe help jy kinders en tieners om van die wêreld ’n beter plek te maak?

1.    Ondersteun en bemoedig

Skep geleenthede waar kinders bv. kan uitreik na die personeel van publieke dienste (soos die brandweer, polisie, hospitale).

2.   Bewusmaking

Help kinders om plakkate te maak met wenke hoe om water te bespaar, of bemagtig tieners om ’n herwinnings- of dierebeskermingsprojek te dryf.

3.   Insameling

Stel jou jeug in staat om klere en skoene vir ’n bepaalde uitreik in te samel, of help hulle om geld in te samel vir ’n instansie wat besig is met natuurbewaring.

4.   Hulp

Skep geleenthede waar ouer jongmense jonger kinders help met huiswerk, of speletjies aanbied by die nasorg of ’n les aanbied by ’n kinderhuis.

5.   Aktiveer / Protes

Moedig kinders aan om pienk of rooi strikkies te dra op spesiale dae, of om die ‘Thursdays in Black’ beweging te steun deur op Donderdae te protesteer teen geweld. Reël ’n protesoptog deur die strate teen bv. die dwelmkultuur.

6.   Skoonmaak / Opruim

Reël ’n werksdag by die plaaslike crèche of polisiekantoor, of reël dat hulle die vullis langs die rivier of in die park optel.

7.   Uitdeel

Organiseer ’n geleentheid waar jou jeug die kos by ’n sopkombuis uitdeel, of deel kospakkies uit onder behoeftiges.

8.   Ander?

Het jy dalk ander idees – iets wat julle dalk doen wat werk? Deel dit gerus en stuur dit sommer saam met ’n paar foto’s aan ons!

Idees om tieners en kinders aan te moedig tot aksie

Hier is ʼn paar idees om tieners en kinders aan te moedig tot aksie. Ons weet nie altyd om dit wat die Bybel vir ons leer prakties te maak nie. Ons help egter ons kinders en tieners om te verstaan hoekom ons moet dien en dit deel word van ons lewe, wanneer ons hulle ruimtes en voorbeelde gee om na te streef.

Alleen mense en randfigure:

  • Maak tieners en kinders deel van die gasvryheid span wat mense op Sondae ontvang by die deure en afkondigings uitdeel.
  • Maak ʼn span wat bestaan uit tieners wat getaak word om nuwe tieners by die kerk en skool raak te sien en deel te maak van jeuggroepe, kategese groepe of sosiale geleenthede
  • Taak tieners om ʼn groep saam te roep wat uitstappies na die Aftree oord of Te Huis te reël waar hulle kinders betrek om kaartjies te maak en saam te kom uitdeel.
  • Vra jou jong volwassenes om tieners te help ‘n koffiekroeg by die Kinderhuis aan te bied.
  • Neem die gemeente op ʼn “Walk the Town” uitreik waar ons bewustelik randfigure en alleen mense nader en vir hulle bid. Probeer die persoon se naam leer en weer opvolg in die volgende week.

Arm mense: Kinders en jongmense leer hoe om toepaslik op te tree en mededeelsaam te wees teenoor arm mense.

  • Vra kinders om hierdie week hulle toebroodjie met een maat te deel wat elke pouse alleen sit en hulle in nooi in hul vriende kring.
  • Vra tieners om ʼn “insta-story” of video te neem van waar hulle ʼn groep vriende bymekaar kry om ʼn uitdaging per week te voltooi waar hulle komberse uitdeel vir die mense wat dalk buite slaap, of waar hulle die plaaslike koerantman nooi vir ʼn koeldrank en na sy storie luister.
  • Nooi tieners om ʼn beurt te neem by die plaaslike sop kombuis
  • Stap saam met kinders en tieners om die blok en vra vir hulle om op te let wat hulle sien. Gesels na die tyd met hulle oor wat hulle wil doen daaroor en help hulle om daardie uitdaging te voltooi.
  • Nooi gesinne om te kom kos maak by die kerk, laat hulle die kos in wegneem bakkies skep en gaan neem dit aan die mense wat om en buite ons kerke slaap en sit en gaan sit by hulle aan vir ete.

NB: Dis belangrik om nie net goeie dade uit ʼn hoed te trek nie, maar maak dit deel van ʼn preek reeks of kinderkerk en laat die preek in die dade uitvloei sodat tieners en kinders besef dat hulle toegerus word om uit te reik. Hierdie dade word deel van hulle lewe en is nie net eenmalig nie.

Bure en woonbuurt: Kinders en jongmense word geleer om vriendelik en verwelkomend te leef teenoor hul bure en ʼn positiewe invloed in hul buurt te hê teenoor alle ouderdom mense.

  • Daag kinders uit om verwelkomings kaartjies te maak vir die nuwe bure en hulle te nooi vir tee om dit te oorhandig.
  • Moedig tieners aan om ander bewus te maak van herwinning of ons water krisis, deur  na deur  tot deur te stap en te vra of daar ander tieners in die huis gesin is wat hulle kan ontmoet om ook in te trek by die doel.
  • Moedig kinders aan om maats te nooi om saam met hulle kersliedere te sing van deur tot deur  tydens Advent.
  • Nooi as gesin die verskillende bure vir ʼn ken mekaar aand, waarvan die kinders deel is daarvan om ook die familie se storie (wie is ons hoeveel mense bly hier ens) te vertel.

Belangegroepe en vriendekring: Kinders en jongmense leer hoe om hul geloof uit te leef in hul vriendekring en belangegroepe bv. Sportspan.

  • Doen ʼn reeks by die jeuggroepe of kategese oor ons verskillende gawes sodat ons ouers, tieners en kinders kan toerus om hul verskillende gawes te verstaan.
  • Moedig tieners aan om hulle sportspan aan te moedig om stil te raak voor ʼn wedstryd of om die span na die tyd te bedank vir die wedstryd.
  • Raak betrokke by jonger sportspanne as mentors of gr. 8 netbalspanne gaan help uit by die graad 1’s se oefeninge.
  • Moedig jou vriende kring aan om vir jou verjaarsdag eerder te gaan serpe of komberse uit te deel eerder as om net partytjie te hou.
  • Begin ʼn maandelikse uitdaging in jou vriendekring om die gemeenskap saam of alleen te gaan dien, bv. gaan besoek saam die DBV of konsentreer om alleen tieners in te trek by jou vriendekring

 

Hoekom so Diensbaar, so Jonk?

Deesdae is ons plaaslike gemeenskappe baie bekommerd oor ons jeug en hulle betrokkenheid. Ons spreek gereeld ons kommer uit dat tieners nie weet hoe om diensbaar te wees nie. Tog het ons nooit die voorbeeld gestel of die ruimte gebied vir diensbaarheid nie.

Kinders en tieners wil weet waar hulle nodig is. Elke generasie kan en wil ʼn bydrae maak en ʼn verandering bring tot die samelewing. Dis belangrik dat ons ʼn kultuurskuif aanmoedig en beoefen binne ons gemeentes, Kerkrade en jeuggroep leiers sodat ons werklik die kopskuif kan aktiveer.

Ons kan ook nie verwag dat ons tieners en kinders dit uit hul eie gaan doen nie. Ons moet die voorbeeld stel deur of eerste ʼn genoemde uitdaging te voltooi of dit saam met hulle te beplan en voltooi. Vir meer inligting waarom ons en hoekom ons ruimtes van diensbaarheid moet aanmoedig lees die onderstaande skakel.

https://www.psychologytoday.com/blog/raising-resilient-children-and-teens/201112/serving-others-will-help-your-teen-thrive

https://www.mylifetree.com/helping-teens-serve-others/

https://greatergood.berkeley.edu/article/item/how_to_help_teens_find_purpose

 

Cultivating Missional Change

As jy wonder oor “kerk wees”, belangstel in ander vorms van gemeente lewe, al gehoor het van “fresh expressions”, dan is hierdie boek vir jou. Cultivating Missional Change bevat ‘n versameling verhale van verskillende denominasies reg oor die wêreld en is ook geskryf deur teoloë van regoor die wêreld, insluitend Suid-Afrika. Hierdie boek kan jou begrip van “missionaal” uitdaag en kan jou gedagtes rondom uitreik en gemeente lewe stimuleer.

Omdat hierdie boek so ‘n groot verskeidenheid verhale en skryf stukke bevat, mag daar hoofstukke wees wat jou kan verveel omdat dit dood eenvoudig nie relevant is nie. As jy egter nuuskierig is en meer sou wou weet van gemeentes en denominasies in ander lande, sal selfs hierdie afdelings jou interesseer.

 

Kinders hou ‘n tee vir bejaardes

Liezl Williams, kinderwerker by Wellington Moederkerk, vertel wat gebeur het einde 2016 in hul gemeente:

Ons Kinderkerk het besluit om ‘n spesiale oggend saam met die ouetehuis & bejaarde instansies van ons dorp te reel.

Die saamkuier van oud en jonk was belangrik, die neem van verantwoordelikheid en uitreik na mense wat dit nodig het.

Daar is plakkate gemaak en ons het van ons Kinderkerk meisies gebruik as gasvrouens vir ‘n tafel van 10. Hulle moes die tafel self dek en mooi maak en sorg dat die oumas en oupas gemaklik is en tee en ‘n eetdingetjie het. Hulle het hul rol omtrent ernstig opgeneem . Dit was te dierbaar om te sien hoe smeer hul skons vir die ou mensies!

Ons het uit die gemeente gevra vir donasies vir die bak van skons en dit het weer gelei daarna dat ons die gemeente betrek het.

Kinders het gesing en gediggies wat hul self gekies het, voorgedra tydens die oggend

Dit was ‘n lieflike samekoms vir oud en jonk. Die kinders het dit vreeslik geniet om gasvrouens te wees en hulle het die mammas letterlik weggejaag omdat hul dit self wil doen. Vir die bejaarde persone was dit net so lekker om drukkies te kry. Ons het besluit dat dit beslis ‘n jaarlikse instelling op ons kalender sal word.

 

Dinkjeug skryf: Hierdie is ‘n wonderlike en praktiese idee om verskillende generasies bymekaar uit te bring. Dit is ook ‘n goeie idee vir ‘n diensgeleentheid vir die laerskool kategese, of vir ‘n lentedag geleentheid of vir ‘n jaarafsluiting.

Kindermoment – videoclip oor aanvaarding of diversiteit

Kindermoment – video clip oor aanvaarding of diversiteit

Hierdie advertensie kan gewys word in ‘n preek of les wat handel oor aanvaarding, diversiteit, eenheid, uitreik, naasteliefde, diensbaarheid ens. dit handel oor ‘n seuntjie wat in ‘n rolstoel is en dus nie saam met die ander seuns basketbal kan speel nie. Maar die seuns maak ‘n plan om hom in te sluit. die video greep is korter as 1min.

Uitreik Bybelstudies

Neem jy ‘n groep op ‘n uitreik hierdie vakansie? Benodig jy Bybelstudies om saam te doen?

Laat elke tiener, kategeet en ouers die gratis toep “onsglo” aflaai op hul selfone (op die appstore en google play store beskikbaar)

https://play.google.com/store/apps/details?id=za.co.onsglo&hl=en

https://itunes.apple.com/za/app/ons-glo/id1220885509?mt=8

Die inhoud is ook op die webtuiste www.onsglo.co.za beskikbaar.

Gebruik dan die Bybelstudies en “lees meer” gedeeltes onder elkeen van die onderstaande temas. Die Bybelstudeis kan alleen of in ‘n groep gedoen word. Daar is ook telkens ‘n aktiwiteit, gebedswenk en tiener fokus by elke onderwerp. Ouers kan aangemoedig word om saam met die tieners die onderwerpe tuis te volg.

1. Diensbaarheid

Jesus was die voete van sy dissipels

Johannes 13:1-17

http://www.onsglo.co.za/2017/03/06/3-diensbaarheid/

2. Dankbaarheid

Die arm weduwee se gawe

Markus 12:41-44

http://www.onsglo.co.za/2017/03/06/4-dankbaarheid/

3. Getuienis

Jesus en die Samaritaanse vrou

Johannes 4: 1-42

http://www.onsglo.co.za/2017/03/06/5-getuienis/

4. Gebed

In die tronk in Filippi

Handelinge 16:16-40

http://www.onsglo.co.za/2017/03/06/3-gebed/

5. Koninkryk

Die gelykenis van die onkruid tussen die koring

Matteus 13:24-30 en 36-43

http://www.onsglo.co.za/2017/03/06/5-koninkryk/