vashou

Kinderoomblik: Dinge wat ons vashou

Dinge wat ons Vashou

Teks: Markus 1:21-28

Kry ‘n vrywilliger uit die kinders.

Bind hulle arms vas aan hulle lyf met sagte toue/bande. Vra hulle om ‘n omgedopte glasie van die grond af op te tel en neer te sit op ‘n tafel met die balletjie wat daaronder lê binne-in.

Maak die kind nou los en vra hulle om dieselfde te doen met ‘n tweede glasie en balletjie.

Vra watter keer makliker was.  Hoekom?  Wat het jy nodig gehad om dit te kan doen?  Het jy dit dan nie?

Ons het almal dinge in ons lewens wat ons vashou soos wat hierdie toue hulle arms vasgehou het. Ons is geskape deur God om te lewe as sy kinders, maar daar’s dinge wat ons vashou en ons keer om so te kan lewe. Net Jesus het die mag en die gesag om ons te bevry van al hierdie dinge wat ons vashou en ons keer om te leef as Christene in die wêreld.